ريجيم الأطفال

خواتي عندي بنت عمرها ثمان سنوات وماشاءالله عليها وزنها في زياده مستمره مع اني ما آخذ اكل جاهز من المطاعم إلا مره في الشهر والحلاوه محدده لها وقت بس دايما احس انها تغافلني وتاكل من وراي وبغيت اعرف شو احسن رياضه بالنسبه لعمرها وهل فيه ريجيم للأطفال:22 (9): :22 (9):
لأني احس انها تنحرج من التعليقات اللي تسمعها وتزعل يوم ما احصل ملابس جاهزه تناسبها

احسن حل وديه المستشفى عند طبيب تغذية

لانه بيوصف لها وجبات عادية لكن سعراتها قليلة وصح انه هالريجيم يطول بس افضل

لان نحن الكبار صعب علينا نقاوم الاكل فما بالج ببنت صغيرة – صعب تحرمينها من الاكل

وسير تمشي في حديقة وخذيها معاج خليها تمشي

اذكر بنت حميتي – الله يحفظ بنتج – استوى لها سكري من كثر ماهي متينة

مع انها عمرها 10سنين

فانتبهي عليها

اذا انت من الشارجة وديها مستشفى القاسمي قسم التغذية

وان شاء الله تكون احلى بنوتة

مشكوره اختي عالية الغالية وانشاءالله بسأل عن مستشفى لأني من العين

الغالية لا تحرمينها لانها بتاكل دبل من وراج
واذا عن مشكلتها يمكن عندها خلل في الهورمونات
والله يعافيها

هاي هي مشكلتي خواتي اني اخاف احرمها من شي وبعدين احس ان اكلها مثل خوانها وبالعكس هم ياكلون زياده بس دايما ميوبسين كنهم فمجاعه حتى كل اللي يشوفهم يقول حرام عليكم عطوهم اكل زياده حتى ابو العيال يوم قال لبنتي إذا سويتي رياضه وما كليتي حلاوه وشيبس وايد بتكون الجائزه خمسين درهم قام ولدي اللي اصغر وقال وانا بعد قال ابوه انته عن كل كيلو واحد تزيده بعطيك خمسين. وبديت افكر بكلام ساحرة العيون يمكن تكون الهرمونات لأني احس نموها سريع شوي

اختي في مستشفى توام فيه طبيبة تغذيه مختصة للاطفال

اخوي حولوه عندها لكن ما فيه فايدة ياكل على هواه ويدح من الخاطر صاير ديناصور من كثر العيشة ولعوزني من اسبوعين سرت ادور له شورت ما لقيتله الا في قسم الرجال تخيلي بس

وجان اهزبه وقتله انت يوم بتكبر موين انييبلك من بيج آند تول

ما عندكم وراثه؟؟
الحين فيه احصائية انه الاطفال فالامارات وزنهم يزييييييييييييييييد