فطــور الصبـاح بأطباق شهيه
آلكل يعرف أهمية وجبة الفطور بالنسبه للجسم .
وخصوصآ للطلاب والموظفين .. اما الي يالسين فالبيت
على راحتهم متى ماقامو ياكلون شابوره مع كاس شاي
عشان جذيـه لآزم نركز عليها أكثر من العشا ..
وبعض الناس مايحبون الفطور لانهم حاطين في بالهم انه خبز
مع جبن وكاس شاي بس
تلقينها تقول اتصبر لين الغدا احسن ..
غلط .. واكبر غلط تفوتين وجبة الفطور ..
ومن ناحية الرشاقه ..وجبة الفطور تعتبر الوجبه الأساسيه لتحرك
عضلات البطن في الهضم .. لانها وجبه بعد الأستيقاظ من النوم
فالجسم بيتحرك بدون كسل ..
معلومات بسيطه حبيت أطرحها واتمنى تستفيدون منها ..
نشوف مع بعض أنواع وجبات للفطور ..
وتقدرين تغيرين بالمقادير .. الي تبي دجاج بدل اللحم او تونه ..
[ بيض بالمرتديلا ]
:
نقطع المرتديلا + فلفل بارد وندهن الكاسات بزيت ونحط الفلفل
البارد ثم المرتديلا ثم الجبن
:
نخفق البيض مع ملح وفلفل ونصبه عليهم ونحطهم بصينيه
وندخلهم الفرن من تحت حوالي 15 دقيقه ..
او بالمكرويف 3 دقايق
:
وتكون جاهزه .
:
و جذيه تكون وجبه متكامله .. بروتين + كالسيوم + فيتامين من
الفلفل البارد
وقدميها مع خبز وزيتون و قهوه
ــــــــــــــــــــــــــــــــــــــــــــــــــ ـــــ
:
[ فطاير الجبنه ]
:
:
علبه جبن [ يفضل فيتا ] او حلوم حسب رغبتك + 2 بيضه +
13 كاس صحين + فانيليا + سكر
نفصل صفار البيض عن البياض .. ونلخط الصفار مع 2 ملعقه
صغيره سكر وملعقه صغيره فانيليا .. ثم نضيف الطحين
والجبنه بعد تفتيتها ..
بياض البيض نخفقه بروحه لين ينفش ..
:
ثم نضيفه ع العجينه .. ونبدا نصبه بالتاوه بعد دهنها بالزبده ..
:
:
دقيقه ثم نقلبها ..
:
:
وقدميها مع العسل او المربى ..
:
ـــــــــــــــــــــــــــــــــــــــــــــــــ
:
ميني بان كيك
:
:
الخليط هذا سريع ولا يحتاج بيض ولا زيت ولا حليب ..
فقط ماي ..
جهزيه وهاتي قوالب أشكال .. وأبدي الشغل
حطيهم ع التاوه وصبي الخليط فيها ..
وقدميها بطريقتج ..
فطور جيمي أوليفر
:
:
2 بيضه مخفوقه مع بياله حليب .. ونقليها
نقانق مشويه بالفرن مع حبه طماط بالفلفل الأسود والملح ..
تقدم مع الخبز الأسمر المحمص ..
أضفي لها زيتون وكوب شاي يعدل المزاج ..
ـــــــــــــــــــــــــــــــــــــــــــــــ
توست هولندي
توست أسمر محمص ومقطعه أطرافه ..
ندهنه بزبده وهو حار ثم نرشه بسكر بودره .. ونقطع حبات
فراوله ونحطها فوقه ..
:
:
قدميه مع كاس عصير برتقال طازج وكاس كابتشينو .
ــــــــــــــــــــــــــــــــــــــــ
الكريب
2 بيضه + نص كاس حليب + ملعقه صغيره سكر +
نص ملعقه صغيره ملح .. نخفقهم ثم نضيف لهم
نص كاس دقيق ..
:
ونتركهم نص ساعه يتخمرون ..
نجهز القلايه وندهنها بشوي زبده او زيت ونبدا نصب الكريب
..
:
:
حوالي 30 ثانيه ثم نقلبه ..
:
:
انتي وذوقج .. شو حابه تحشينه .. ؟
نوتيلا وفراوله ؟
مربى وزبده الفول السوداني ؟
جبن وعسل ؟
:
لفيها رول وقصيها من النص وقدميها ..
:
ــــــــــــــــــــــــــــــــــــــــــــــــ
:
التوست الفرنسي
توست مقصوصه أطرافه + بيضه مخفوقه + بياله كريمه خفق
او حليب + نص ملعقه صغيره فانيليا نخلطهم مع بعض ..
نغطس التوست بالخلطه ثم نحمرها على تاوه مدهونه بالزبده
:
ثم نقصها من النص ونقلبها في سكر باودر ..
:
:
وقدميه مع نسكافيه ..
لو حبيتي أضيفي له جبنه وطبقيه ..
:
:
صحتين على قلوبكم
منقوووووول
عليج بألف عافيه
عندي فضول اعرف هل انتي سويتي كل هذا بس لنفسج والا حد ثان ؟؟
وهل اليهال ياكلون وياج؟؟
بصراحة لا تجاوبين لانها اسئلة خاصة (القرار لج )
عندي استفسار من وين احصل اطباق التقديم (الملال الزرقا)؟؟؟
تحياتي لج وتسلم ايدج
وانتي تشجعينهم بالهالوصفات
تسلم ايدج (وترا عيني عليج بارده)
تحياتي لج