::++::ريـلي يباني أتحنا وأنا ما أبى شسوي ::++::

عفت الدنيا و اللي فيها ، ولو كنت مب معرسه جان مالبست ولا كشخت لأني فقدت أحلى شي في الدنيا وصارت الدنيا بعيني ولا تسوى ومن دون أي طعم ولا لون

بس لأني أعرف ان ريلي له حق ولازم يشوفني بعينه دوم حلوه وكاشخه حاولت قد ما أقدر اني ما اخلي هالشي يأثر فيني ..

خاصه ان أمي توفت عقب زواجي بكمن شهر بس الله يرحمج يا أمي

بس عاد الحنا موووول ما طاحت ايدي من توفت أمي

وريلي يحب الحنا على ايدي ، حتى من أيام الملجة كان دوم يقولي أباج دوم متحنية ..

بصراحه مب قادرة أتحنى ، لأني لو تحنيت بحس اني خلاص نسيت أمي وصرت أفرح والبس واستانس ولا جنها راحت عن هالدنيا ومابشوفها مره ثانية أبد

أدري ان هذا مب مقياس لحبي لأمي ، بس والله مب قادرة شسوي …

والحين العيد قرب وهو دوم يقولي خاطري أشوف الحنا في ايدج ..

ما أبا أرده أكثر عن جيه بس مب قادرة شسوي