ريلج قبل العرس كان يغازل . تعالي خبريني اشقا غيرتيه

السلام عليكم ورحمة الله وبركاته

هلا بالغوالي

انا وحده من مستخدمات هالنك نيم

حاليا امر بتجربه عباره عن تحدي بيني وبين نفسي ان اقدر اعلق ريلي فيني انا عرست من فتره جريبه

وعقبها اكتشفت ان ريلي كان له علاقات قبل العرس والله يعلم اذا للحين عنده او لا

لنه يحبني وايد بس مو باين عليه شي !!

بدى الشك يلعب ابقلبي وصرت كل ما انام اتخيل انه يكلم غيري وكل ما اشوفه ماسك البلاك بيري اقول الحين اكيد يرمس وحده

يوم يجي يبا يسولف معاي احس عمري ما اريد ارد عليه مالي نفس له

انا من عقب عرسي ما يودت عليه شي بس عرفت ان قبل العرس كان راعي سوالف بنات عالمسن والفون

ماعرف بعدني ما تاكدت اذا للحين او لا

بنات انا صار فيني هوجاااااااااااس كل يوم افكر كل شوي يوم اشوف ريلي طلع اقول يمكن بيجابل وحده منهم

يوم اشوفه يرمس فون اقول يمكن وحده يرمسها جن واحد

!!

ما ادري انا بدت نفسيتي تتعب من هالموضوع

وما عندي احد ألجأ له

وماريد ارمس احد من هلي بهالموضوع عسب ينصحوني كيف اتصرف

انا الحين ابا اعرف شو اسوي معاه

كيف احاول اكسبه

يعني انا بعدني مب متاكده انه يرمس عقب العرس

بس كيف اخلي عمري كل شي بحياته !!

كيف اكون له الام والصديقه بحيث انه يثق فيني ويجي يقولي حتى عن علاقاته القبليه

كيف اخليه اذا صج في شي للحين ان يترك هذا كله ويتعلق فيني انا وبس

ومشكلتي الثانيه انا وااااااااااااااااااايد غيوره لدرجه ان مرات اغار اذا عامل اخته ولا عمته اللي بمثابة امه اكثر عني ولا تعلق فيها

اتمنى خبرتكم يالمتزوجات

ومابي تجريح بالرمسه

خخخخخخخخخخخخخخخخخخخخخخخخخخخخ

ناويه ادمرين بيتج بنفسج ..؟!

صدقيني انا بخبرج عن تجربه لا تبحثين ورى زوجج دام ما شفتي عليه شي ..

لا تخلين الشك يدخل حياتكم وانتي للحين ما عندج اي دليل او عالاقل نظره منه تاكد انه يالس يخونج ..

اقلج تراج ما بتتعبين بس .. الا بطفشين ريلج وبتخلينه يشرد بعدددددد هههههههه

باستعيذي من ابليس وقومي بكل واجباتج وان شاء الله ما بيكون حد فحياته غيرج

وخلج عاقله خاصه فهالنقطه ..

وان كان له ماضي وانتهى .. لا تفتحينه ابدااااا

لا تيلسين اتعبين عمرج على اشياء صارت وانتهت
حنا عيال اليوم ..

اختي انا اتكلم جد فديتج

انا بس مره 4 ايام العرس جفت ياله مسج من وحده من القبليات

بس هو يوم جافني اني جفته

قالي هاييله ماعندهم سالفه !!

وعقبها عرفت انه كان يرمس بالبدايه

عسبت جي بديت اشك اكثر

ابا حل يالغوالي والله

الله يهديه

انا افضل تعيشي حياتج مع زوجج براحة وسعادة وثقة من البداية
الشي الي ينبني على حياة حلوة يطول وترتاحين
لا تشكي ولا تعبي بعمرج والي ماله ماضي ماله مستقبل
بمعاملتج وحنانج وطيبج بتخلي زوجج يحبج زيادة
الله يهنيكم ويسعدكم يا رب

الغاليه .. انا اتكلم جد وفاهمه عليج عدل ..

الحمدلله انا ما مريت بتجربتج والحمدلله ريلي عاقل وواثقه فيه مع ان بحكم وظيفته البنات مجابلينه طول الوقت .. بس هالشي ما بيخليني اشك فيه .. حتى لو كانت عنده سوالف قبل الزواج

انا تزوجت او ملجت وكان عندي اقتناع ان ماشي شاب ما مر بتجربه .. بس عقب الملجه .. ومن اول يوم ريلي كان صريح معاي واتفقنا ان الصراحه هي اساسيات علاقتنا .. والحمدلله هالاسلوب وااايد قربني وخاااصه انه بدا يقولي ويصارحني فأشيا وااايده ..

بالمختصر الغاليه .. سوالف قبل الزواج شي وعقب الزواج شي .. ولا تخلين الهواجس تدمر حياتج وراحة بالج .. تراه مع الوقت بيتوي طبع فيج من غير ما تحسين .. نصيحه الغاليه .. لا تدورين ورا ريلج او تشككين فحركاته خلج واثقه فيه .. ولو شي خلج تشكين بشي .. صارحيه على شرط شي شفتيه عقب العرس ومالج خص فالماضي .. خليج حاضره ومستقبله الغاليه ..

اتمنى فدتج بكلامي .. وتقبلي مروري ..

المشكله اختي ماصرت عارفه كيف اتعامل معاه انا مشكلتي لو بديت اشك باحد خلاص استوي ما اطيقه
او اني اعيش معاه وجي بس اتم افكر مب مرتاحه وادري هالشي فيني غلط عسب جي ابا اغيره

ابا اعرف كيف اتغير وكيف اكسبه وشو اسوي

فديتج تسلمين

ريلي مايدري اني افتش من وراه

بس والله الهواجس تعبتني مرات اتم اصيح يقولي بلاج اتصيحين اقوله وخر عني

عسب جي ابا اتغير اريد بددل لا اخسره اكسبه

اريد حتى لا قدر الله وكان عنده شي يتركه وخلاص اكون انا مكفيتنه ابا اتعلم اشقا اعرف املي عليه حياته واكون انا كل شي بالنسبه له !

وكيف ارجع ثقتي فيه