ريلي اقترح علي اليوم و خلاني احتار شوروا علي يا خواتي .

السلام عليكم
الموضوع يا خواتي ان هل ريلي بيبنون بيت يديد و احنا ساكنين في شقة رواحنا
و ابو ريلي قال له جان تبون بنسويلكم حجرة عودة او بسويلكم ملحق و اسكنوا ويانا
و خبرني ريلي اليوم بالموضوع …….
و انا محتارة بصراحة ……. من ناحية السكن وياهم فيه ايجابيات و من ناحية فيه سلبيات
احنا ساكنين رواحنا من 5 سنين اول ما تزوجنا …. و وايد اشيا بتتغير علينا …..
و اخاف من المشاكل و من امور ثانية ….. و في نفس الوقت اللمة حلوة و بنقدر نوفر و نبني شوي شوي في المستقبل …
و انا ادرس و عندي بنت احينه اقدر اخليها في البيت و انا مرتاحة ….
و ناحية السلبيات …… ماحب التدخل في الخصوصيات ابغي اكون حرة ندخل نطلع نسوي اللي نباه … البس و اكشخ و غيره وغيره :1 (32): … و غير طبعا الاحتكاك لابد يكون هناك مشاكل …. و انا ماحب المشاكل و طبعي حساس وايد ماتحمل اي كلمة …

و الحينه محتااااااااااااارة وايد ماعرف شو ارد عليه …..
ابغي اعرف اللي جربت هالشي هل ندمت .؟؟ والا ارتاحت ؟؟؟
و اللي ساكنة ويا هل ريلها تخبرنا شو السلبيات و الايجابيات .؟؟ و كيف تتصرف ؟؟ و كيف تحط حد من البداية او خطوط حمرا مايتخطونها بخصوص امورنا الشخصية ؟؟؟

اتريا ردودكم و تجاربكم وايد تهمني ………

اول شي وعليج السلام ورحمة الله وبركاته

اختي انا اقولج نصيحة خلج مكانج ف بيتج ابركلج ترى مهما يكونون اهل ريلج زينين وياج

غير يوم انتي بسيرين وياهم لازم تستوي حساسيات ولازم تختلفين وياهم في شي

اقل شي تطلعين وادومين وتسيرين وتردين وانتي مرتاحه وتربين بنتج ع راحتج

وتلبسين ع راحتج شو لج ف صدعة الراس انصحج لاتفكرين مجرد التفكير في هالشي

اذا انت حساسه ماينفع وطبيعي بيسألونك وين رايحين من وين رادين اذا تقدرين توازنين حياتك وتغمضين عينك عن السلبيات مقابل الايجابيات فتوكلي على الرحمن وروحي والا الي انتي متعوده عليه احسن ولو انا مكانك مافرط في حريتي مهما كانت الاسباب ولا تنسين اذا دخلت صعب تطلعين قبل البيت الملك

اختي ماتعلمين وين الله كاتبلج الخير صلي استخارة

انا بعد انصحج اتصلين استخاره احسنلج

انا بعد انصحج اتصلين استخاره احسنلج

اختي ماتعلمين وين الله كاتبلج الخير صلي استخارة