ريلي الخاين

شحالكم خواتي ..

بغيتكم تساعدوني في مشكلتي ..

ريلي عنده دكتوراه في الخيانه .. هذا موضوعي ..

من فتره شكيت بتصرفاته و باسلوبه و بكلامه و شفت في تلفونه ارقام و طبعا مسجله بحروف ا و ب و ت2 قلت اكيد هذيل بنات .. المهم شليت الارقام لكن محد رد علي .. ماقدرت اصبر قلت له انا حاسه انك تخوني و من هالكلام عصب وقالي انتي ماتوثقين و انتي تشكين وزعل و ممثل علي المسكين وانا ظالمه و اعتذرت له و قلت له خلاص حصل خير لكن الشك في محله رجعت ادق و ادق .. يوم دقيت .. طلع شكي في محله .. طلعت بنت كلمتها و قالت انا مادري انه متزوج و هوه ماقال وانا حاسه فيج و قالت لي طلعت بنت حلال قالت كل اللي بينها و بينه .. المهم هذا عرفته عقب ماسافر و بعده مارجع للحين .. و قبل فتره بعد طرشت له ربيعتي وكلمها عادي و مره صارت مشكله بيني و بينه بعد على هالموضوع هوه مايعرف صوت اختي قالت له انت اللي رقمتني في المول الفلاني جان يقولها هيه اونه عرفتج !!! سمعته بإذني ! .. و البنت اللي يكلمها قالت مرقمني .. و هوه كله طلعات و مطيح في دبي مول و مايقول وين رايح وين ياي وكله مشغووول انزين انا حرمتك لي وقت ! يقول شو اسوي شغلي و شغلي .. لاتقولون يلجأ للخيانه لاني مقصره .. انا مش مقصرررره ابددد هالشي مستحيل .. كل اللي يباه اسويه له .. وهوه اللي يبعد وايد عني دوم يكون عنده تشبع يقولي بس خلاص كفايه على كل شي رومانسي ..
الحين ابغي حل كيف اقدر اواجهه الحين هوه مسافر شو اسوي من يرجع ؟ كل مره اواجهه فيها مادري كيف يقلب السالفه و اطلع اانا الغلطانه وهوه البرييئ و يطلع من الموضوع مثل الشعره من العجينه ..

دعوه منكم تكفي .. مهموومه لاقصى حد ..
وشكرا ^_^

الله يصلح لج ريلج ويهديه

الحين انتي تاكدتي يوم اعترفتلج البنيه ليش بعدج ادزيله اختج وربيعتج مب زين تحذري يمكن اذا اكتشف يسويلج مشكله عوده

ثانيا يمكن هوه صدق مل من الرومانسيه,, يمكن انتي صح مش مقصره معاه,,خفي الرومانسيه شوي ,خليه يتوله على حركاتج يعني بين فتره وفتره هب دوم ,, الرياييل ملوليين

كيف تواجهينه اممممم انا ماعندي خبره في هالشي بس اذا بتواجهينه لازم يكون عندج دليل ولازم اتكونين جاده في رمستج ومب من كلمتين يقص عليج وترضين اويجلب الموضوع عليج,, من حقج اتحافظين عليه

وان شاء الله البنات بيعطونج حلول اكثر
الله معاج وبالتوفيق

حلوه و اموره
بس احقره صعبه لانه بيقولي انتي متغيره و عادي عنده بيحقرني هوه بعد وبيقول انتي السبب ..

اسيرت الشوق ..
المشكله الموضوع كبير وايد ماينسكت عنه .. الحياه مابتكتمل جذيه نحن لازم نواجه الوضع قبل لا انيب عيال الوضع بيصعب عقب ف ما ابغي اتجاهل الموضوع و كفايه انه محترقه من داخلي .. ><

الله يوفقكم و شكرا