امس سويت سبرايز (هبول شويه ) حق ريلي ههههههه تم مصدوم ساعة لين استوعب السالفه
فـ حبيت اني اخبركم شو سويت له مع انه كان شي بسييييييييط بس طلع حلوو ع كثر ما ضحكت عليه ههههههههههههه
اول شي انا صار لي من يوم الثلثاء نفسيتي تعبانة شوي ومتضايجه بس احاول اخبي بس هو عرفني اني مضايجه ويسألني شفيج وانا مب طايعه اقوله!!
طبعا انا متضايجه وزعلانه منه وهو تقريبا يعرف السبب بس ساكت لانه يباني انا اصارحه ومشكلتي من النوع الكتوووم وايد (يعني اذا هو مايفهم بروحه انا ما اقول شي ) المهم انا طنشتة وهو طنشني
عاد تخيلو من يوم الثلثاء وكل واحد مطنش الثاني ههههههههههههه انا اباه يعتذر لي وهو يباني اصارحه بشو مضايجني
المهم ان يوم الجمعه سرنا بيت اهلي وردينا يوم السبت وبعدنا مطنشيييييين بعض بالقووووو
يوم وصلنا البيت عالعشا تقريبا الا هو يقول لي بسير عند اخوي بنطالع المباراة فالمقهى
عاد انا قلت بس خلاص بيتأخر خلني اسويلة سبرايز
وكان عندي هدية صغيرة شريتها من فترة حق مناسبة ثانيه بس قلت يالله شنسوي عاد …. تميت اغلفها واتفنن فيها وحركات خخخخخخخخ وفتحت اللاب توب وتميت اصمم له بطاقة عالفوتوشوب
ما مداني اخلص البطاقة الا هو يفتح باب البيت !!!!!!!!!! خبيت الاغراض بسرعة وسألته ليش رديت !!!!!! خخخخخخخخخخخخ في خاطره الحرمة خلاص ماتباني ههههههههههه
قال المقهى حشرة وزحمة والتلفزيون صغير بيلس هني اطالعها اريح
قلت اوكي وخليته بسير الغرفة الثانيه وانا تميت في غرفتناا
دخل علي وحليله وانا اطبع واكتب وحالتي حاله (طبعا انا اشتغل مدرسة ) فالمسكين يتحراني اسوي شغل المدرسة خخخخخخخخخخ في خاطره الحرمة اليوم شاده حيلها هههههههههه
المهم طبعت البطاقه وكتبت على اوراق بخط كبير ( إن زعلت برضيك وكل عمري فداك) على كل ورقة كلمة
الحين مسكت بالونات ويلست انفخ فيهن خخخخخخخخخ نفخت كم وحدة وطبعا كل ما اخلص شي احطه تحت المكتب عشان لا يشوفه شوي وانا مندمجة انفخ وانفخ وانفخ (طبعا بالبمب) ..
بوووووووووووووووووووووووووووووووووووووف انفجرت البالونة اللي انفخها ههههههههههههههههههههههههههه انا هني قلت خلااااص انفضحت
طلع ريلي وحليله يركض من الغرفة الثانيه ودخل عندي فالغرفة وانا نااااقعه ضحك قالي اشفيج؟ شو اللي نقع؟ شو سويتي؟ وانا من الضحك مب قادرة اقوله شي اضضضضضضضضضضضضحححححححححححككككككككك من خاطري واقوله ماشي ماشي خخخخخخخخخخخخخخخخخخخخ هو استغرب هز راسه وطلع (اكيد يقول الحرمة تخبلت الحمدلله والشكر ) هههههههههههههه
المهم انا كملت نفخ البالونات بس بحذر خخخخخخخخخ خليتهن صغااار هع هع هع وبسني
عاد قمت الحين اتسبح واتلبس واكشخ هع هع هع يوم خلصت عاد يا وقت الترتيب
بسرعه يبت الليتات الصغيرة اللي على شكل ورود وقلوب
حطيت واحد على السرير بس في المكان المرتفع (اللي يكون صوب الجدار!!) وفي هالمكان المرتفع يبت الاوراق اللي كتبت فيها وقصيتها بشكل مرتب وعلقتها تحت الليت
اما عاد عالسرير نفسه حطيت اوراق الورود الحمرا والبالونات وسويت بعد الليتات بشكل حلوو ومرتب وحطيت الهدية فالوسط بشكل حلوو ويبت عندي دبدوب (هو ياب لي ياه خخخخخخخخخخخخ) لونة وردي ع نفس لون كل شي حطيته وخليته ورا الهدية وحطيت البطاقة في ايده وعاد مكتوب فيها كلااااام احم احم
عالكومودينو حطيت شموع حمرا وعالتسريحه وكل مكان بشكل حلوو
يوم تأكدت ان كل شي اوووكيييي بندت الليتات ودقيت عليه من الموبايل خخخخخخ رغم ان الغرفة عدالي بس ماباه يشوفني
رد علي مستغرب!! قلت له (طبعا بصوت كأنه بعدني زعلانه) تعال شوي
قال اشعندج!! قلت تعال اباك … قال ليش انزين!! (ترى ريلي عيااااز خخخخ) قلت له بتيي ولا لا؟ اذا مابتيي براحتك يالله باي وسكرت هع هع هع اوني عاد
حليله دخل الغرفة انصدم خخخخخخخخخخخخخخخخ تم بس يطالع العبارة اللي مكتوبه عالسرير سااااااااااااعه خخخخخخخخخخخخخ
ويطالعني ويطالع العبارة ويضحك بس شكلة مصدوم من الخاطر ههههههههههههههههه والله اني ناقعه من الضحك عليه
ويقول لي متى…؟ كيف؟؟؟ شوو لا ا يعني … هههههههههههههه مب عارف شو يقول
عاد انا سرت له وضميته وقلت له (تراك والله مصختها وايد هالمره)خخخخخخخخخخخخخ اوني يعني اراضيه
قالي : ياخي ترفعين ضغطي بس تخليني احس بالذنب!!!!!!!!! هع هع هع قلت له هيه غصبن عنك هع هع صدق ماعندي اسلوب يوم اراضي
لاني مب انا الغلطانه فـ ما ابي اعتذر بنفس الوقت ما ابي الزعل يطول ادريبه عنيد وبتم جيه وايد
بس اخر شي ضربني ضرب خخخخخخخخخخخخخخخخخخ ع سالفت البالونة اللي انفجرت ههههههههههههههههههه
قال والله وقفتي قلبي قلت استوابج شي .. ويوم اشوفج تضحكين تمنيت اذبحك وادوس في بطنج خخخخخخخخخخخخخخخخخخخخخخخخخخخ
عاد سمحولي ماحطيت صور لانه كل شي استوا عالسريع
هااه شو رايكم خخخخخخخ
والله يوفقج
ياعيني يا ليلي عالحركااات ههههههههههههههههههههههه ^.*
ماشاء الله علييييييييج الصراااااحة..
متى مدااج اتسوين كل هااااااااااا..<< أحسه ولا جهااااد خخخخخخخخخخخخخخخ
ماشاء الله علييييييج عيني عليج باردة.. وحلوة الحركة الصراحة..
وعيبتيني أكثر يوم اعتذرتي جي بهالطريقة أحسن من إنج تقولين آسفة حاف^^
ربي يسعدج إنتي وريلج ويبعد عنج عيوون الحساد يا آيسي ^.* ههههههههههههههههههههههههههه
حلوه واايد الحركه ههههههههههههه
وحليله ريلج ههههههههههههه