ريلي حبيبي .وغرفة الولادة

مرحبا بالغوالي……
فديتكن……من تبى ريلها يدش غرفة الولادة ويشوف ولادتها لحظة بلحظة؟ وليش؟
ومن ما تحب ريلها يدش وياها غرفة الولادة؟ وليش؟
يلا أبا حماس منكم…………

عااااااااادي خله يدش حيااااااااه

امبونه قايل محد بيدش وياج غيري

عسب يحس بالتعب اللي بتعبه حزة الولاده

والله يسهل علينا ومايكون فيه تعب اصلن

انا دش اول بيبي عادي كان وياي ماسك ايدي وايد ارتحت

ثاني بنوته كان مداوم

ان شالله هالمرة قال بيحضر وياي

أحسن يدش ويشوف معاناة زوجته وهي تتألم ويوم الزوج يكون مع زوجته ترتاح أكثر وتطمن بوجوده

عادي يدش وياي بس يوم يبدا الجد والبوش اقوله يطلع مااباه يشوفني بهذاك المنظر وانا اسوي بوش

اصلا احسن شي يوم يدخل الريال مع حرمته.. انا ولادتيه الاولى طلع وقت الجد يوم كان الراس بيطلع وعقبها كان يباني احمل سيده ومايريدنيه احط اي مانع المهم حملت وربيت توني من اربع ايام وكان حاظر ولادتيه كلها لانه محد كان معايه غيره وتصوروا عقب ماربيت تتوقعون شو قاليه؟؟؟؟؟؟؟؟؟؟؟؟؟؟ قال خلاص انا مابحملج ولابقولج احملي لين ماتقولين انج تبين عيال وقال صدق صدق الله يعينكن لدرجه انه قال حق ربعه (اللي يبا حرمته تحمل ورا بعض لاتحظرون ولادتهن والي يبا يحزن عليهن يحظر ولاتهن بتقولون توبه نجبرهن ع الحمال من حقهن انه يرفضن يحملن بسرعه)

مااااااااا تخيل ريلي يدش وياي امبوسيبوووووووووووووووووول …

احس غير يشوفني اربي و يشوف الياهل يطلع و وصخ الولاده و الصريخ احس لاااااا.. برستيجي بيندفن ههههههههههه

سمعت بوحده ريلها دش وياها و شاف ولادتها ، وعقب ما رام رام يجربها ولا يجامعها .. نفسه ما طاعته .. جز منها ..