شخباركم ؟
بنات ماعرف هالي يصير طبيعي و لا ؟؟
شوفوا انا ريلي زين الحمدالله و طيوب بس وقت العصبيه عادي يدز و يضرب !!
بعطيكم امثله يمكن تحللون الي يصير :
كنا في المستشفى و نبي دكتوره بس من غير موعد ترينا مال ساعتين 5 لين جريب 8
وكل ما اسال النيرس تقولي اتريي اقوله جي بس عصب علي جان اقوله خلاص ما ابي ادش مو لازم خله يولي وكنت مدمعه خلاص ابي اصيح جان يمسكني من ايدي ويدزني في المستشفى صح محد لاحظ بس عورني صراحه
ومره ثانيه كنا على البحر اول ماكنت اتوحم كنت وايد اتضايق من الروائح و من الترجيع اونه كان يبي يغير جو بس كنت مو على طبيعتي ما ستانسنى موول لما دشينا السيارة كانت في حشره عووووده تخووف وانا ما اداني الحشرات و لا اراديا صرخت ونقزت من السيارة لا اراديا تخيلو طارت الحشرة من الخوف خخخخخ وهو مسكني من عباتي ودزني بقوة داخل السيارة و ضربني على جتفي اخخخخ يوم اتذكر قلبي يعورني وقمت اصيح لين ما وصلنا البيت و بعدين تميت اصيح وااايد وااايد قلبي يعورني انا ما سويت شي كله يقول انتي كله تتدلعين بس والله هذاك اليوم صج خفت اعععع شكل الحشره اوفر اععع وبعدين رد يصالحني ويقولي اسف
و في مرات كنا نضارب و الحق معاي والله بنات هو الغلطان بس ما يبيني اقول شي يبي يسوي الي على كيفه المهم
كمره صفعني و علم على ويهي صج بنات والله و بعد على ايدي دايما تصير بنفسجيه مرت تشوهت صج من كثر ما ازرقت
و بعدين يعتذر
للامانة هو ما يمد ايده الا وقت الضرابه بس مو دوم احيانا بس والله قلبي يعورني على عمري كيف جي يضربني وما يحاتي البيبي تخيلو بعدين يتم يعتذر ويدمع و جي
ادري اني ساعات انرفزة بس مو لدرجه الضرب
بنات انا يمكن يكون لي يد في السالفه بس حرام انا بنت مو متعوده حد يمد ايده علي موووول في بيتنا محد ضربني ..
حتى لما شوي يعصب يقولي انتي ما بتسكتين الا يوم بضربج و لا والله بضربج تخيلوا بس انا اقوله عمره بابا ما ضربني وبعدين يتلوم
بنات هل المشكله في ريلي و لا في وقت العصبيه
اممم هو ما يضرب خواته و لا شي
ريلي في ايجابيات وسلبيات بس هالسلبيه وايد تحز في خاطري
ما اخبر احد مووووووووووووووووووووووووووووووووووووول انه جي يسوي عشان ما تكبر السالفة وهو بعد يرجع طبيعي و لا يذكرني بلي صار
ماعرف
بليز خبروني ؟؟ بس باسلوب نايس ما ابي حد يعصب علي بليز
الله يهديه
ماعرف شقا أفيدج بس لازم تتحاورين معاه ،، وتخلينه وقت ما يعصب يبتعد عنج لين يهدى حتى ما يمد يده،،،
وجوفي يمكن هو متربي في جو ضرب مع أهله فتعود ع هالشي ؟
هو الظاهر من النوع اللي ما يقدر يسيطر على نفسة وقت العصبية و احس انه يحبج لانه يرجع ويصالح وهذي نقطة لصالحج.
حاولي بطريقتج تتوصلين لحل معاه و يفهم ان ها الاسلوب مش حلو ولازم يكون حنون وياج حتى لو غلطتي يتفاهم معاج بالكلام مو باليد
الله يهديه ويصلح ما بينكم
صحيح الضرب الخفيف مبااح بس بعد ماايكون الا فالشديد القوي ومب بهالطريقه ولا فالامااكن العاامه جداام النااس ..
لازم تصارحينه باللي فخااطرج وتكلمينه عن ضرورة كظم الغيظ و ضرورة احترامج كإنساانه
واذا كنتو ف السيارة ولا ف السوق ولا ف اي مكان ماتقدرين تبعدين عنه تمي ساكته وخليه يعصب لا تردين عليه
بس يضربج احسها قوية
الله يهديه ان شالله