ريلي قليل الكلام

ساعدوني ريلي قليل الكلام وبعض الاحيان ما يرمس حتى لما نجمع على الاكل يرمس شوي وهذا

مضايقني منه ، وايد يفكر وهو يدرس ويشتغل ، هو زين معاي وأنا وايد اهتم به اكثر من اعيالي

انا عارفه انه تعبان بس على الاقل يهتم فينا ، حتى انا الحين استويت قليلة الكلام معاه ، ساعدوني

أرجوكم .

ما عليه اختي ..هذا طبعه ..اضرب لج مثال اخوي شرات ريلج بالضبط وهذا طبعه جي حتى قبل ما يعرس بعدين هذي طبع يعني صفة فيه انتي ما تقدرين تغيرين هالشي فيه …بس اذا انتي مصرة وحاسه انه فيه شي سمح الله ناقشيه يعني مثلا قوليله : في شي مضايقنج ؟؟ ومن هالسوالف بس ماادريس اختي اذا ريلج يعني تلاحظين متغير يعني قبل كان يرمس ويسولف والحين لا ؟؟ اذا جي معناته في شي ؟؟ وانتي بعد تقولين انه يدرس فلازم تراعين شوي. لا تضغطين عليه يمكن فترة وتعدي ..
انا بعد بقول لج شي اختي .. انا ريلي ساعات ما يحب يرمس عادي يعني نص يوم مب لاني انا مضايجتنه بس انا بعد اعذره الواحد بعد لازم يكون مع نفسه شوي ..من اشوفه جي ما اسأله اخليه على راحته ولا اضغط عليه ..من يرتاح هو بروحه ايييني ويخبرني .. يعني خليه على راحته اذا فيه شي اكيد بيي وبيخبرج .. بس انتي لا تقعدين توسوسين ..الله يبعد عنج المشاكل …ولا تتضايجين

مشكورة والله وما قصرتي وشكرا

غناااتي سوووي اكشناات في البيت

سولفي وياه غيري الهم الى جوو سوالف ولعب وضحك

ولو عندج يهال يكووون في سوالف وايثااره في البيت خبري عن اشيا الحلوة

سوييله اشيا حلوووة في البيت غيري من اسلووبج من تسريحتج من لبسج

خلي يعلق استهبلي يعني انتي شاطرة وريلج يستاهل

وانشالله يتغير الحال الى الحال احسن

والله يسعدج في حيااتج ويسرامووورج

ويرزقج بنات واولاد ^#

وادعيلنا^^

صح الكلام
جربي انتي مو خسرانه شي
و عليج بالدعاء و الاستغفار

هو مهموم حاولي تفرفشي له واطلعيه من الجو الي هو فيه
صدقيني بيرتاح

هذا طبعه وطبع اغلب الريايل

قولي له سمعني صوتك ولهت عليك وتمي سولفي معاه يوم فاضي هاتي له سوالف حلوه من اهتماماته وعن دراسته وشغله شوفي يوم يرمس ربعه عن شو يرمسون انتي رمسيه في نفس المواضيع