انا فحياتي كلها ومن تزوجت ماجد صادفت مشكله وخبرت حد احلها بيني وبين نفسي بدون ماتطلع برع لا من صووب اهل ريلي ولا اهلي انا لأنه اساسا ماصار شي بيني وبينه يستدعي اني ادخل حد بينا؟؟
انا صارلي من عرست سنتيين وشوي من تزوجت اول شهووور يلست فبيتهم وهو دوامه فالعين يسير كل يوم من رااك ليين العيين يقوم من 4 ويرجع 10 لأنه دوامه رياضه بس فالرمايه المهم تمينا كم شهر على هالحاال لييين ما قرر انه يتم فالعيين ونهاية الأسبووع يرجع بس انا اتضايقت وقلتله بدوونك ما اقدر اتم لأنه فبيتهم محد غيير امه واخووه وخواته معرسات احيانا يزورونا وانا امل ماعرف شو اسوي ماقدر اطلع واذا احتجت شي محد يسويلي واذا برووح مشواار ماقدر منو بيمسك ولدي ماعندي حد عمتي مسكينه تساعدني بس حرمه عووده ماتقدر اتجابلني طوول الوقت ودووم اتم داخل من الملل اتم اسبووع كاامل على هالحااله ..
مع انه موفرلي سبل لرااحه كلها حاطلي انترنت وعندي سيره ومايقولي شي اذا قلتله بطلع مكان بالعكس يشجعني عشان اعتمد على نفسي؟؟
.. بعديين قلتله يوم انه دومك فالعين خلني بييت اهلي ويوم بتخلص مر شلني قالي اوكي وسويتلي حجره فبيتنا وحمام (كرمكم لله) ويلست عند امي وبعديين حملت فولدي مايد ربي يحفظه فا ماقام يوديني رااك خوفا علي من الخط لأني عاقه قبل والراحه كانت شي مهم لي وتمييت طووووووول حملي عند امي بس رحت مرااات عند اهل ريلي يمكن 5 او 6 مراات وقام ريلي يرقد عندي فبيتنا لأنه دووم كنت اتعب ولازم ارووح المستشفى وقام يبات عندي ويروح الداوم ويرد كل يوم من العيين والحيين من ربييت كملت 6 شهوور ماصار شي؟؟؟؟؟؟؟؟؟؟؟؟
بس امس حسييت انه مضايق مايرمسني عدل اقوله شو فيك يقولي ولا شي عادي؟؟
ياني امس وخذته فصووب وصارحني ؟؟؟؟؟؟؟؟؟؟؟؟؟؟؟؟؟؟؟؟؟؟
انه متضايق من وضعنا والحين عندنا ولد ولاااااازم نستقرمكاان واحد قلتله اوكي مافي اي مشكله انا وياك فقرارك؟؟
بس قراره صدمني !!!!!!!!!!
يباني اتم بيتهم طوول الأسبووع وفي الويكند بيرجعلي؟!!!
قراره مافي شي بس انا تضايقت لأنه ماتعودت من خذني وانا عند امي كييف اروح هناك ماقدر احس اني بختنق ما ارتااح اتضاايق اتم برووحي ماعندي حد
شو اسوي بنات انصحووني بليييز شو الحل ؟
مابا حياتي تخترب بسبت هالشي..
شو الحل!!!!!
شوفي الموضوع من هالزاوية
ومااظن انج بتملين لانه الحين عندج بيبي
ومهما صااااااار لازم تراضين ريلج وهو شكله مو ماخذ راحته في بيت اهلج
وانتي لازم تتاقلمين في بيت اهله ,,, اسألي نفسج لمتى بتمين بيتكم مايصير ياحلوة
الزواج اساسه تظهرين من بيئة وتدخلين بيئه ثانية ماتعرفين فيها ابسط الامور فـ لا تضايجين من هالشي.. والحين انتي عندج ولد يعني وقتج كله بيضيع اوياه ………..ومثل ماقالولج خواتي تعلمي السواقه عشان توفير حاجياتج على الاقل ………..
واذا كان شغله على طول في العين .. واذا رام يوفر بيت في العين ليش ماتنتقلون العين وتستفرين اهناك ….؟
لازم تسمعين كلام ريلج ..
خاصة انه طيب مثل ما قلتي ..
وامه حرمة عودة يباج توانسينها ..
والبيبي الحين بيملى وقتج ..
كنت حاسه نسج يوم عرست ..
لأن ريلي من قطر …
يعني بلد ثاني وعادات وتقاليد يديده علي ..
وفوق هذا كله بعدي عن اهلي ..
بس الحمد لله ..
تأقلمت مع الوضع وعايشه حياتي ومرتاحة بفضل الله ..
توكلي على الله واسمعي رمسة ريلج ..
تراه ما قصر …
ولأنه يحبج دارا وضعج ..
الحين يا دورج الي تدارين وضعه وتقدرين مشاعره..
تراها موب سهلة على الريال قعدته في بيت اهل حرمته ..
الله ويوفقج ويهنيج ..
بس اللي انا مستغربه منه ليش ماتسكنين عنده في العين وفي الاجازه ترجعون مع بعض؟؟
بس اذا ظروفكم ماتسمح اسمعي كلام ريلج ومثل ماقالن البنات تعلمي السواقه..
وربي يوفقج يالغاليه في حياتج..والحياة الزوجية تبغي صبر..ولج الاجر ان شاء الله