بنات عندي مشكله كبيــــــــــره و لا تقولون اني ابالغ لان ما في حد ما يحب التسوق او بالاصح
ماشي حرمه ما تحب تتسوق
ريلي الله يسلمكم ما يحب يتسوق لما نروح السوق ما يطالع اللي جدامه يطالعني انا يعني يالله خلصيبسرعه
احس كأن ملك الموت فوق راسي حتى ما اخذ راحتي و ارتبك ما اعرف شو اختار و اتم محتاره وايد
كل هذا من تصرفه
و لو كنت محدده له شو ابغي يا ويلي لو خذت شي غيره يقعد يقول انتي يايه تاخذين هذا
والا هذا ؟؟
مرات الوحده تنسى اشيا و يوم تشوفها تاخذها و مرات تعجبج اشيا تبين تاخذينها
هو من هالناحيه صارم و يقعد مبوز فالسوق على شي ما يسوا
مع انه مب بخيل عادي ياخذ لي هدايا و ساعات بالالاف توصل ل 10 الاف
بس ما ادري ليش جيه لما يكون وياي
احسه لما يكون بروحه ياخذ اكثر
فشو الحل وياه ؟
انا فكرت ما اسير وياه الاسواق بس بعد صعبه لان مب كل مره بتتوفر لي سياره
شو اسوي عشان اخليه فري مثل باجي الناس ؟؟ يتسوقون و هم يضحكون و يختارون الاشيا
مع بعض ؟؟؟؟
اذا هو يبوز سيري ويا امج السوق وخذي اللي تبينه
والله يوفقج ^^
مثلا أنآآ مب وآآيد أحب أحاوط في السوووق .. بس ان بغيت شي أروح اشتريه وأرجع .. ما أحاوط في المولات على الفاااضي
بس ريلي واااايد يحب يحاوط على الفاااضي .. حتى أنآآ أعصب عليه ><
وأقوووله يلااااااااا بسك ابا ارجع البيت مليت .. وكل شوي يوديني مكااان ويحوطني في بقعه
فـ عااادي
اما اذا مشوار بسيط ومحددهـ شوهـ تبين ومن وين واذا تعرفين انج مابتبطين خذيهـ هوهـ في هالحالهـ
موفقهـ
ما يحب هالسوالف و المراكز
شو أسوي حاولت على الأقل نطلع تنغير جو
خلاص تعودت أسير روحي