ريلي متغير علي الجزء الثاني

اشكرررررر كل وحده نصحتني وانا طبقت وطنشت ريلي بس للاسف ماقدر لنه هو مووول مب معبرني ف الحجره جني طوفه جدامه وهذا موضووعي الاول

https://forum.uaewomen.net/showthread.php?t=600257

انزين ريلي تغير وااايد ما يرمس ما يسولف ما يضحك طااااف ومول ما يعبرني حتى ما يجامعني مره عصبت عليه قلتله انته مب ياهل عشان اقولك لازم تعطيني حقي ف هالشي ولا انته تشبع رغباتك بنفسك قلتله يا فلااان انته مب مثل اول .. وتمينا نتناقش وهو اصلا ما تنفع الرمسه وياه يسمع من اهني ويطلع اهناك واصلا يوم ارمسه لو حتى بالهداوه يضايج ماعرف ليش .. ومول ما يطلعني كله عند ربعه وكلمته جان يقولي يوم السبت بوديج المطعم ع فكره اذا بنطلع نطلع يوم الخميس بس هو قالي يوم السبت انزين و يا يوم السبت قالي مانقدر نطلع لازم اسير الدوام قلتله دوامك بالاحد ليش بتسير بالسبت قالي لا يبونا انا ما قلت شي بس تميت اصيح على حظي بيني وبين نفسي وانا لميت اغراضي عشان اسير بيت اهلي وصح بعد قلتله انته اتشوف انه نحن نصلح حق بعض قالي انا اردلج هالسؤال قلتله ما نصلح حق بعض قالي اوكي سيري قولي حق اهلج قلتله وانته قول اهلك جان يقولي اهلي مالهم خص فيني قلتله اوكي سرت بيت اهلي وهو سار الدوام اتصل فيني عشان يخبرني انه وصل ما رديت عليه واليوم الصبح اتصل مارديت علي جان اطرشله مسج قلتله الله يخليك تبغي تسال عن بنتك اتصل ف خالي واسال عنها انا ما ابغي حد يسال عني جان يطرشلي قالي شو السالفه قلتله تعرف السالفه ومافي داعي اقولك جان يطرشلي ليش هالمذله اذا عندج شي تبغين اتقوليلي اياه قولي قلتله نحن ما نفهم بعض والعيشه معاك صعبه قالي ليش تغيرتي ف يوم قلتله لا تخاف انا ما خبرت اهلي واهلي ما يخصهم لنه هو تحرى انه اهلي قايليلي شي انزين وقلتله انا اصلا كنت ناويه يوم ارد بيت اهلي خلاص جان يقولي شو خلاص قلتله شو فايدتي اتم وياك جني طوفه جدامك محد يفهم الثاني ومن ارمس شوي تضايج جان يقولي نحن مب اول ولا اخر زوجين تستوي من بينهم مشاكل قلتله اصلا ليش هالمشاكل ماشي سبب مقنع غير انه نحن ما نفهم بعض جان يطرشلي هاي ايام اتي واتروح قلتله من سنه وانته جي اشوفها ماراحت قالي انا متاكد انه محد غيرج يفهمني والله وقالي انا اهلي مافتحلهم قلبي مثل ما فتحتلج ايااه قلتله ماقدر اعيش وياك جان يطرشلي الله يسامحج وبس انا ناويه هالاسبووع اتم ف بيت اهلي ما اسير عنده اذا رد من الدوام لنه لاعت جبدي منه ياني اكتفاء وتشبع منه كثر ما كنت احبه صرت اكرررهه وبس خلاص هاي سالفتي شو اتشووفوون اللي سويته صح ولا ؟؟

واذا استوى اي شي بقول هذا نصيبي ف الحياه اهلي مايخصهم

لا تتسرعين .. خليج بيت اهلج فكري عدل قبل ماتتاخذين اي خطوة وتندمين عليها

ويمكن ربج يهديييييييه

الله يوفقج ويسخر لج ريلج ^^

حياة سعيدة ان شاء الله ..

الله يعينج و يساعدج و يهدي ريلج

لاتتسرعين الغالية استخيري ربج وربج ادرى بمصلحتج تمي فبيت هلج اسبوع لاترمسينه ولا شي حاولي تتغلين وشوفيه لو حن عليج واتصل بج معناته شارنج الريال فكري عدل الغالية لاتتسرعين ولو بتردين حاولي تعطينه شروطج احسن شي لاتردين جذا والله يوفقج الغالية

ان شاء الا مور ترجع كثل ما كانت قبل
اقري سورة البقره ودامي عليها واستغفري ربج خلي لسانج دايما رطب بذكر رب العالمين

والي الله كاتبه بيصير

اتمنى لج الخير من كل قلبي والله

الغاليه لش ما تيلسين مع ريلج وتقولين انها جلسة مصارحه000وتقولين شو السالفه وليش هو متغير ومن شو متضايق00يعني كلميه بهداوه00قوليله لو يشوفج مقصره معاه 00يقولج ابشو000الحوار بين الزوجين وايد مهم حبيبتي00ونصيحه لا ادخلون الاهل في مشاكلكم00ولا تنسين حبيبتي الدعاء والاستغفار ان الله يصلح بينكم000الله يوفقكم يارب ويبعد عنكم عيال الحرام00والسموحه 00

الله يهديه .. عليج بالصدقة و الاستغفار يا اختي ..

و الله يجعل لج من كل ضيق مخرج