ريلي و أملاكي الخاصة

السلام عليكم و رحمة الله

بخبركم عن ريلي ،، و انتوا انصحوني مب تحرحوني لالا انصحوووني

ريلي قبل كان معارض سالفة موتر جديد في البيت و يوم خذت الموتر الجديد قام يعتمد في اشغاله على موتري و انا ساعات احتاج الموتر ولا اروم اخذ موتره ، احسه اناني من هالناحية ، انا ماحب يوم ياخذ موتري احسه يخقق جدام الناس انه ماخذ موتري و اني عطيته اياه ، ساعات انقهر منه بس اسكت وودي اصرخ بويه اقول مااااااباااااا اعطيك موتري ، ادري البعض منكن بيقولن اني انانية او بخيلك لكن لاوالله بس لانه يستخدم موتري و يخلص بتروله على حساب ان موتره توه ياي من الغسيل ولا توه مبركننه بالكراج ،،،

من بدا راتبه ينقص علشان الاقصاد و الديون ماقام يصرف علي ولا على البيت و معتمد علي في الصرفية ، انزين انا لي احتياجاتي بعد
بس ساعات اذا طلعنا مكان يدفع من جيبه ، مثلا للسينما او المطعم او المول

ساعات يقولي اسحبيلي فلوس من بيزاتي الي بحسابج ، انا عادي عندي بسحب لهربس للاسف يحط البيزات في اماكن مالها داعي يعني يشتري اشياء سخييييييفة ومالها معنى اصلا

يعطيني مصروف العيال بس بعد يرد و يعتمد على راتبي بحكم ان راتبي اعلى من راتبه ، انا بصرف عالعيال عادي عندي بس مب انه يحسسني انه شال ايده من المصروف

خبروني شو اسوي؟ لان انا ما احب حد يستخدم غرضي و هو عنده من الاساس

السموحة منكم في اخطاء مطبعية ها لاني اكتب من الآي باد

الريال ماينفع وياه الا انج تضخميله حجم التزاماتج المادية
فلانة استلفت 10.دخلت جمعية بكذا .عطيت فلانه هدية ذهب لانها مجاملتني
للاسف الرياييل ماينعطون وجه

جوفي حبيبتي كل وحدة و تعرف معدن ريلها يعني انتي عارفة معدنه
وانا عارفة و غيري عارف
ما يستوي تحطين مشكلتج و تتريين شور البنات لان يمكن ريلج اوكي مب مقصر مثلا و كيف انا ايى و اجرجج عليه زيادة ؟؟

تقولين عليه ديون ! ديون شو بالضبط ديون سيارة يبني بيت تجارة
منو قال الرياييل ما ينعطون ويه .. ينعطون ويه بس بحدود خير الامور اوسطها
فرضا انتي ماكلة شاربة مرتاحة و تسافرين و يى شهر و هو دفع كل شي
بس الشهر اللي عقبه ما كان عنده مثلا عليه دين سيارة و دين بيت ! عادي حطي شوي بس ميزانية محددة و واضحة

راتبج فالنهاية لمنو .. بعيد الشر انا مثلا مت و دفنوني راتبي لمنو ترى مرده ف جيب عيالي و ريلي !

بس خلج عاقل ف نفس الوقت مثلا لو هو صدق صراف و ف اشياء ما تسوى يوم يطلب منج قولي ما عندي
دفعت فلوسي ع قرض السيارة .. ع تجييكات الوكالة .. على مخالفات ب 6000 … وراي اجدد تأمين السيارة
ماخذة اغراض للعيد …………..الخ
صدقيني يوم بتطلعين عذر ورى عذر ما بيطلب منج خير شر

تقدرين تحلين مشكلتج بطريقة دبلوماسية بدون لا يحس انج متعمدة
لان اصعب شي ع الريال يوم يكون محتاج و حرمته مرتاحة مادية وما تساعده
لا تساعدينه بس بدون ما تزعلينه يعني قولي ما عندي و شريت و سويت و لو كان عندي عيوني لك
جاملي بالكلام ترى الكلام سهل جدا و اييب راس الريل

هذا زوجج المفروض تيلسين وياه وتكلمينه وتتفاهمين وياه طبعا بدون عصبيه وصراخ هاتوا ورقه وقلم واكتبوا كل مصاريفكم ومنو اللي يدفع رتبوا اموركم بينكم

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

الله يعينج واضح ان يبا يستخدم سيارتج ويخق فيها الحبيب هههههههههههههه ماقلنا شي عادي بس ع الاقل يخليج تستخدمين سيارته

ولا شو الهدف يعني ترا عنده سيارته الخاصه مب معقوله توني مغسله سيارتي عسب جي بروح استعمل سيارة اخوي مثلا

انا ليش ماخذه سياره !! مب عشان اخلص اشغالي واموري واسير بها الدوام والسوق ووين ما ابا

شو هالحجه اوكي عايبتنه السياره ومافيها شي لو استخدمها بس مب دوم وبعد يخلص بترولها ويمكن يسوي لج مخالفات مرورويه وقناص وربعه

خلي السويج عندج قوليله مادري وينه اي شي او كوني صريحه حسب ريلج مثلا قوليله
بتكد سيارتي وبتمشيها زياده ومريح سيارتك وبعد ماتعطيني سيارتك اسوقها وقت الحايه
فـ الافضل ماتسوقها

ايلسي بينج وبين نفسج وشوفي هل بالفعل زوجج يصرف فلوسه على اشياء مالها داعي ومجرد كماليات

كوني واقعيه هل عليه ديون وسلفيات(انتي قلتي عليه ) هل يطلعج ويحوطج على حسابه ويسفرج

او كم مره يطلعج ويدفع عنج مابنكون انانيات شوفي شهر هي وشهر لا

عقب يلسي وياه وتناقشي عن المصاريف حطي مبلغ بسيط مثلا 2024 درهم مب اكثر حق البيت وقولي مابزيد وماتطلب مني زياده

والله احس مافي احلى عن الصراحه راحه