شحالكم ان شاءالله بخيـــر
والله من ضيجتي حبيت افضفض لكم
ريلي يحب ربعه اكثر عني … كل يوم يظهر من البيت ويتاخر يرد يا الساعه 1 او 2 او 3
وانا ايلس اتريااه في الغرفة بين ارع طووف والا يفرني بيت هلي
يوم اقوله اظهر مع ربعك بس مب دوم يعصب انتي مالج حق تحاسبيني انا جيه قبل لا اخذج
قلت اوكي الحين كل شي اتغير .. اظهر مع ربعك بس مب دووم ولا تتاخر علي ما يسووويلي سالفه
يوم ازعل ما يسويلي سالفه ولا جني هامتنه وكل معصب علي ارمس يرد علي بنفس خايسه
اقوله الحينه نحن جريب رمضان اباا اخلص شغل العيد قبل الرمضان يقولي مب فاضيلج
اقوله ودني مكان الفلاني يرد علي مب متفيج
والله لو ربعه اتصلوبه يتلبس بسرعه بسرعه وعاادي يصك لين دبي عشانهم
وانا امووووووووووت من القهر
لدرجه حرمت اخوه مربيه قلت له ودني المستشفى بسلم عليها ما سوالي سالفه وقالي تعبان اباا ارقد والله ما استوت 5 دقايق الا ربيعه اتصلبه وقال اوكي و عالطول اتلبس وطلع
شوووفوا القهر والله عيوني دمعت
ما اعرف شو اسوويبه ياليت تنصحوني
اختاري اختي وقت يكون هو هادي فيه ويلسي معاه وابتسمي وخلج عاديه ودلعيه ومني ومناك وعقب صارحيه بكل الي في خاطرج وقوليله وفهميه انه عيشه العزابيه غير وعيشه المتزوجين غير
ويمكن ريلج يكون مضايق منج في شي ؟
ومن كلامج امبين انه هو من زمان جيه ..
فاسمحيلي اختي كنتي لازم ترمسينه من اول مالاحظتي هالشي فيه يمكن هو شافج ساكته وايد عنه فخذ راحته
رمسيه اختيه وفهميه كل شي ..
او حتى اختي كتبيله رساله
انا اشوف اسلوب الرسايل احسن وانا اتبعه وفعلا اييب نتيجه
كتبيله رساله وفيها كل الي في خاطرج لانه فعلا مرات يكون في خاطرج شي وماتعرفين تعبرين عنه بالكلام ولا تخلين شي لاتكتبينه
وان شاء الله خير
وبشرينا وطمنينا عليج
اتكلمي وياه بس بتفاهم قولي كل اللي في خاطرج صدقيني بيفهمج
انا حريم مفتشله منهن يزورنيه ولاكد طحت بيتهن تفصيل وماغيره والله اخلي ختيه مايشلني
بس شو نقول
لاتقوووليــــــــــن للريال الحينه الوضــــــــع تغير يعني انت عرست وربعك فالقائمــة الثانيــه << الرياااااال هذا اللي يحســــــــه طبعا ماترووميـــــــــن بين ليله وعشيه تغيريــــــــنه.ويقول هاي يايه تتحكم فيني ..حتى لو كان يحبج بقول هالشي بخاطره..
)
(
نصيـــــــــــحتي لج واتمنــــــــى من الله تشوفيـــــــن اللي يريــــــحج من الردود وتستفاديــــــن منها..
طبيعــــــة بعض الرياييل عند ربــــــعهم تفاخـــــــر(( يعني انه حرمته مارامت عليــه.. وشويكون شعــــــــورج يووم ريلج يقولج ربعي بالأول وانتي ثانيا )) هااااااااي كلمة توقعيــــــها من الريااال بنسبة 40% يقولون فالصدمــــــــــه تكون كبيره عند الحرمــــــه وطبيعة المرأة الخليجية والاماراتيـــــــــة تحبــ تبرز حبها لريلها وإذا صــــــــار تصادم تعصبــــــــ وتيلس تناقش وتــــــزعل ..
خواتـــــــي أنا ما اييب الرمســـــه مني والدربــــــ بالعكس شوفن اللي يريحكن وصدقووني بتحسن إنــه يريح ازواجكن بعد والعكـــــــــس..
)
(
أختي لاااااتدمــــــع عينج ولا شيـــــــاته ..
هالفتـــــــره لاتفاتحيــــــــن ريلج بالموضوع ..وعطاري الزهـــــــاب لرمضان والعيـــــــــد ماعليه صبري وصبري وحاولي حبــة حبــة تزهبين لنفســج..
إنيي للحلووول:
1- لاتفكريـــــــــن بالوقـــت ويوم يكوون خاري عـــــــند ربعه طرشي له مسج تصبـــــح على خير ..((( في أول الايام اكتبي مثلا عيوني … او تصبح على خير يالغالي .. او تصبح على خير فديتك .. أنا برقـــــــد))) وارقدي وانتي كاااااااشخه كشخه خفيفه وإضاءه الاباجوره تسدج .. ولاتفكـــــــــرين بــه والا إنــــــــــه يطرش مسج رد لج إستبعدي هالشــــــي 80%وكوني دايم على استغفاار ..يعني استغفري ربج بنية انه يرد لج.
2- بـــــــعد فترة طنشي وإرقدي بدون ماتطرشين له مســــــــج انج بترقديـــــــــن وشغلي قرآن فالصــــاله أو الغرفه إذا كان فيها تي في..TV ويوم يحدر البيــــــــت إحظني بود وحب وحنــــــــان وقولي له الليـــــــــل بدونك يروع وحطيت قرآن من الخوف..
3- بعد فترة ســــــــوي أكشن شمــــوع وغيره ليلة رومانسيـــــــة .. وطرشي له صورة (مسج وسائط). وهو يالـــــس عند ربعه وقولي : أدري الرسالة هب بوقتها وماحبيت اشغلك عن ربعك حبي.. بس الود ودي تكون بقربي هاللحــــــظه وهذا كلــه علشانك ياانظر عيني .. واتريي إذا رد رد..
وإذا ماطرش مســـــــــج تقبلي الوضع سااعــــــه إذا حدر البيت يعني استجاااب لج.. وإذا لا إرقدي وطنشي ولاتنسين اتيلسين كله تستغفريـــــــن الله..
4- أبــــــــدن لاتقولين أي طاري عن ربعه يعني هي بتسير عند ربعــــــك والا بس من ربعك والا شو هاه مامليت من ربعــــــك.. لأنه بيعااااااااااانــــــــد .
5- علشــــــان مثلا تشرين حق العيد شي معيـــــــن .. حبه حبه ..فاقترحي عليه شووورايــــــك بمناسبة شهر ارمضان تشري هدايا بسيطة حق ربعك وانتي شووفي ردة فعله.. وقولي تقدر اتشلني المـــــول بنسير نتشرى وإنتــ من الصوب الثاني إذا تحب تشري هدايا حق ربعك بيكون أحــلا.
ختيــــــــــه هاي كمن فقـــــــرة يمكن تفيــــــــدج ..
وصدقيني هب زين تسألينه وين انت والا ليش عند ربعـــــــك .. ربعك أهــــــــم مني … الريـــــــال يحس بالسلطه .. ودااااااااايم قولي له.. إنتــــــ يوم تسير عند ربعك تستانس وترتاح صـــــــح؟؟؟
شوووفي شووويكوون رده .. خلاف قوليله:
وأنا مابخرب عليــــــك وناستك وابتسمي له وناظريــــــــه نظرة حنيه واحظنيييييييه بحنان..
وإنتي حاظنته قولي: عســــــــى ربي يجمعنا دايم عالحب والموده.. وانا راحتي بقربك.
ختيه دايم استغفــــــــري وحاولي بين فترة وفترة تغيريـــــــن استايلج بالاسلوب والجمــال.
اختي عيون غلاي خذي بنصيحة الاخت شيخة القلب