ريلي يضايق يوم يوديني بيت ابوي,,,,: (

السلام عليكم و الرحمة

مرحبا خواتي …

ادري انه مشكلتي مب كبر مشاكل بعض الخوات الله ايسر امورهن بس انا ابغي نصايحكم و دعواتكم ,,,

سالفتي,,, استوالي معرسة سنة و نص تقريبا ,,, عايشة فغرفة و صالة صغيرة فبيت اهل ريلي,,, ريلي واحد من الاهل بس مب انهم واايد مداخلين ويانا قبل ما نعرس,,,

المهم ,,, احن نتيمع فبيت ابوي (انا وخواتي)كل يوم يمعة ,, بس اوقات ما يطيع يوديني يتحجج بالدوام مع انه اهلي يعرضون انهم ايبوني اذا كان هو ما يقدر…

و اذا يوديني يوم يردني احسه مضيج و خلقه ضيج علي.. اسأله عن السبب يقول اني اتأخرت لين ما طلعت و انا ما اكون متأخرة كليها 3 ل5 دقايق مب اكثر…

آخر مرة مختلفين على هالسالفة,,, كل مرة هو يغلط انا اللي ارد اصالح حتى لو كنت انا المجروحة,,,

عصب علي آخر مرة وتم يقولي انتي مذله و اذيه و مرض وما ادري شو لين ما صحت والله من الكلام اللي قاله ,,, انا ما استاهل اسمع هالكلام منه : ( بس هالمرة مب ناوية اني اصالح…. حطيتله تلفوني و يلست بيت ابوي لاني تعبانه و قالوا فالمستشفى اني لازم ارتاح

والله بيت ابوي قريب على درب السوق و كلها عشر دقايق بالسيارة,,,,حتى اوقات اذا يكون فخاطري اسير بيت اهلي ايام الاسبوع يوم يكون طالع صوب السوق ما يطيع ويتم يقولي انتي مب يالسة ويا حيوانات (يقصد اهله) وانا والله احترمهم و اعاملهم عدل مثل اهلي,,

وعلى فكرة هو معرس بعد اخوه و اخوه حرمته اهلها بعااد وما تروح لهم الا مرة فالشهر او فالشهر ونص….

(اوقات احسه هو واهله يبوني اكون شراتها)

الحمدلله علاقتنا زينه ويا بعض الحمدلله…. يحبني بس ما يقوول ,,,يقولي مب لازم اقوول تصرفاتي تثبت اني احبج….(مع اني فخاطري اسمع منه)

وهاي سالفة و السموحة لاني طولت عليكم

والله ما كتبت سالفتي الا وانا خلاص هالموضوع مدوخ راسي…وابغي رايكم و مشورتكم و تقولون لي اي شي حتى لو كنت غلطانة

السموحة منكم خواتي

وعليكم السلام ورحمة الله وبركاته

بسيطه جدا السالفه الغاليه انا بقولج راي لان سابقا انا كننت شراتج

شووفي اول شي قطيعة الرحم مب زينه لكن بعد مهما كان اذا ريلج مب راضي لاتسيرين

يعني مب شرط كل اسبوع نووو خصصي اوقات معينه اذا قال لج مابوديج لاتضاربين

انا كنت شارتج وسالت المفتي قال المفتي حاولي وياه واذا مارضى اسمعي كلامه ولا تطلعين من دون موافقته

مب معناته انتي ماتسيرين لاهلج يعني خلاص قطعتي الرحم يااختي في شي اسمه تلفون تسلمين وتقولين صارت لي ضروف

مااقدر اي .. ماعليج من اي حد يقولوج شو ليش ماتين مب زين رضى ريلج اهم ..

وانا كان ريلي ابدا مايحب اسير يعني بالاحرى اظهر وهلي يتيمعون كل جمعه وكان سيده لو هله تيمعوا

يودينا وكنت اقووله دوم جيه لكن كنت غلطانه

بالعكس بيني انج تحترمين رايه واذا قال لج لا قوولي له ان شاء الله .. ماعليه المرات اليايه

صدقيني بتكسرين خاطره

ع العموم لازم ريلج عنده سبب مب راضي ماضنتي جيه بس

انا بقوولج من الي اشوفه في اخوي وحرمته .. كان اول ماعرسوا يكره يوديها بيت هلها ودوم يشتكي لي

لان يحسها تتغير وفي ناس مب زينين مناك وهو يخاف على حرمته السموحه مااقصدج لا الغاليه

انا اعطيج مثال شرات اخووي ماكان يقول بس كاتم عشان جيه لازم في سبب ..

وبعدين ادعي ربج يسخر قلبه لج ولاهلج انا كنت ادعي وادعي والحمدلله الحين ابدا مايقولي لاتسيرين

واصلا الحرمه يوم اتيب عيال كل شي يتغير ماعليج ياختيه لاتحاتين الامر بسيط انتي اسمعي رمسة ريلج

وقولي له ان شاء الله شووفي كيف بتكسرين خاطره اسالي مجرب

وسامحيني اختيه

ربي يعينج
ويصلح بينكم
اللهم اغدق عليهم من لطفك وكرمك
وارزقهم ذريه صالحه يارب
وارزقهم السعاده وادمها عليهم ياارب

والله كلام انا مسلمة عجبني سمعي كلامها انا اقتنعت كنت بقولج ما عليج منه روحي دوم مب بس يوم الجمعه علشان يتعلم طبعج بس مب كل الريايل مثل بعض وصارحيه قولي له ايش في خاطرج صارحني انا حبيبتج وشريكة عمرك علشان ترتاحون لان الصراحة راحة بس نوع ريلج كلام الاخت انا مسلمة بينفع معاه ان شاء الله الله يهدي سركم

يزاااااكن الله خير

الاخت انا مسلمة ,,,

كلامج صح والله وريحتيني واايد ,,, انا كنت جي بس فترة الحمال اتخلي المزاج يتعكر و كلامة جرحني

بس ان شالله بسوي مثل ما قلتي …. اهلي اذا ما سرتلهم هم بيوني

الله يعطيج العافية … وعسى ربي يزيدج من فضله و يسعدج بريلج وعياالج دنيا و اخر يااااااا رب

"
"

الاخت لولو ,,,

تسلميييين على هالدعوات الحلوه فويه الفير و عسى ربي يتقبل و ايااااج يا رب

فديتكم ما قصرتوا والله

: )

تسلمين الطيبة : )

تصدقين كنت مفكرة ادخل ابوي في السالفة

استوالي 3 ايام ما اكلمه ولا يكلمني وهو من النوع اللي ما يعترف بالغلط

الله يهدي بالج ويريحج ويرزقج السعادة فحيااتج يا رب

.