زعلت منه و طلبت الطلاق

بس بخبركم اشوي عن المواقف اللي مريت فيها و انا زعلانه
اول اسبوع سرت العمره فديته ابوي وداني عسب ارتاح اشوي
و الاسبوع اللي بعده قبل العيد بكمن يوم كان عندنا عرس ف راك و سرت
و اهناك التقيت فخواته و انا وياهن عادي سلمت عليهن و سرت ولاني من اهل العروس كنت لابسه و كاشخه و كنت ملابسه احمر ف احمر
بس وحده منهن خبرته اني فالعرس و انا كنت مخليه شنطتي ف غرفه العروس و موبايلي داخلها
المهم فالعرس كنت واقفه ما اذكر وين و لا اشوي اشوف اختي يايه و معاها فوني و فيه 3 مس كول و مسج منه
و كاتب((ماخبرتيني انج سايره العرس و متى وصلتو و ليش لابسه جي عاري))
و انا طنشته وما رديت عليه و كان ما شوف تليفوني القى فيه مس كول منه
المهم قبل ما تدخل العروس بشوي
زقرتني اخته و قالت لي فلان يبي يشوفج؟ قلت لها ليش؟؟قالت ماعرف؟؟ انا شكيت عن سالفه البس
انا لابسه كم طويل بس شفاف ومب عاري
رديت عليها قولي له كنت عنده سنه كامله و هو مايشوفني و لا لاحظ اني موجوده في حياته و الحين انا مابي اشوفه
و اذا عن اللبس انا متستره و الجذابه اللي وصلت له الكلام ماقول لها غير حسبي الله و نعم الوكيل فيها
ومشيت عنها
المهم هي شكلها وصلت له الكلام
واشوى القى منه مسج (((منو قال عسب اللبس امي قالت له انج كاشخه و قلت بشوفج بس و عن اللبس البسي اللي تبينه دامج وسط حريم حبيبي)) اول مره اقرى هالكلمه منه لاني و لا مره سمعتها منه
و انا بعد ما رديت عليه
و تمت مطنشه الموضوع لين نهاية العرس و غلقت تليفوني و كنت انتبه لوحده من خواته تزقرني بس ما كنت اسير و لا اعتبر لانهن خربن عليه العرس
و لما كنا بنركب السياره انا كنت سايره مع اخوي شفته ياي صوب السياره بس هو ما عرفني لاني كنت متغشيه
و اخوي كان متضايج منه
و لما جرب سلم على اخووو سولف معاه و اخوي ماعطاه وييهه و سأله عني رد اخوي اني في سيارة ابوي و انا اضحك تحت الغشوه بس هو ما شاف شي و من اخويه حرك السياره متنا من الضحك
بس هذا دواه
و اليوم الثاني فالصباحية
طرش لي مسج(( اليوم بشوفك مب تطنشيني مثل امس ))
و بعد ما رديت عليه و كنا فالغرفه وكلنا حريم دخل ابو العروس و هو خالي سلمنا عليه و قال لي فلانه ريلج يباج برا سيري له ما رام يدخل لان شي حريم فالصاله و انا قلت له ان شالله و كان خاطري مليان عليه
و لبست عباتي و طلعت برا له شفته شاق الابتسامه
قلت له نعم؟؟؟؟؟؟
اونه وهو مبتسم اشحالج وينج لا تردين على تليفوناتي و لا مسجاتي شو فيج؟؟
و الله انقهرت منه من الخااااااااااااااااطر و لا كنه مسوي شي
قلت له لاني مابيك ومثل ما انت كنت مسترخصني قبل الحين انا مابيك و لا ابي اشوفك و لا تتعب عمرك عالفاضي لاني عفتك
تم ساكت
و الله اني حسيت براحة نفسية رهيبة محد يتخيلها
و مشيت عنه و خليته واقف مكانه و الله حسيت اني رديت كرامتي منه بس بكلمتين
وصدق ما شفت منه مسج و لا شي لمدة اسبوعين ومره كنا قاعدين العصر اتصلت امه تسأل عنه اذا عندنا و لا لا و امي ردت عليها شقى بيكون عندنا و بنتنا ما تباه ؟؟؟؟؟
و هي سكرت
و انا استغربت هذا وينه بس ما تصلت
عالمغرب دقت عليه اخته ورديت عليها لاني كنت احاتيه
وقالت لي راشد ما رد البيت من يوم عرس قوم خالج وهم يتصلون له و موبايله مغلق انا ما حسستها اني مهتمه للموضوع و قلت لها ماعرف شي عنه و لا ابي اعرف و انا مشغوله الحين اسمحيلي و سكرت عنها
هل انا غلطت في شي ؟؟؟
طول عمره كان منطشني و الحين الكل يتصل يسأل عنه عندي ؟؟؟
بكمل لكم باجر الحين بسير ارقد

فكري بعقلج قبل كل شي…والله يسهل امورج..

ولا تفكريين بالطلاق لأنه شكله يبا بيرجع المياه إلى مجاريها…،

استوى مب حقهم ولا لهم سلطه عليه يبونه حالهم غريييييييييب،،

انا وياج اختي لازم يتأدب هذا ما يخاف ربه سنه وانتي بنت والحين اتذكر انه يباج عقب ما سرتي بيت اهلج

انتي عطيه فرصه بس بشروطج انتي هذا لو يباج صدق وتمي ادعيله في صلاتج بالهدايه والتوفيق من بينكم لانه كلمة مطلقة مب هينه فديتج وانتي بعد صغيره بس بذكائج حولي مجرى الامور لصالحج عشان يتقرب منج اكثر واكثر ويعرف قدرج بس كنسلي فكرت الطلاق لو حسيتي انه في امل يتغير …..

والله ييسر امورج كلها

وكل شي إلا الطلااق..
فكري بعقلج..وفكري عقب بقلبج..
وأهم شي شوفي ربج..استخيري..
يمكن هو يباااج وصدق شارنج..
ويبا ينسى الي طاااف و يفتح معاج صفحه يديده..

ربي يوفقج غلاااي..وان شااء الله امورج بتنحل..
بس توكلي على ربج..وبتهووووووون ان شااء الله..

بس هب جنج اتغليتي وايد عليه
ردي عليه جوفيه شو يبا ؟؟
رمسيه .. اتفاهمي معاه

بس بصراحه في رياييل يستاهلون هالتصرف