زواج البنت من رجل مطلق زوجته وعنده عيال

افيدوني اخواتي كيف ينظر المجتمع لها انها على صواب ام على خطأ وخاصة اذا كانت امهم لاتريدهم ولاتسأل عنهم

السلام وعليكم ورحمه الله وبركاته

مرحبا اختي الغالية … شوفي بصراحه اللي اقدر اقوله لج انه هذا بالاول والنهاية نصيب والشي الثاني دايما احسن شي الواحد يستخير وخاصه اذا موضوع زواج..

عن نفسي انا اشوف الموضوع عادي ومافيها شي لاهو حرام ولا هو عيب.. والشي الثاني ان الام ماتبا عيالها وطبعا لها الاجر اللي بتربي عيال زوجها وتكون نيتها طيبه وياهم صدق يبختها … بس الخوف من شي واحد ان يكون هالريال له شويه عقد من حرمته الاولية فيمكن يكون في صعوبه في تغير شخصيته حسب رغبتج وراحتج لان لاتنسين اكيد هالريال مار بظروف صعبه وهذا شي طبيعي بس يباله صبر ودعاء من الله انه يكون خير لها ويعيشون حياة سعيده ويا بعض من دون ربط حياة الماضي ويا الحياة اليديده

الله المستعان

مشكورة حبيبتي على الرد

هلا اختي

والله مااشوف انه عيب ولا حرام ولاهي ارتكبت جريمه هذا نصيبها شوتسوي اذا ربنا كتب لها تتزوج واحد عنده عيال

بالعكس لها اجر وثواب من رب العالمين لما بتربي عياله سبحان الله يمكن ربنا مايكتب لها تييب يهال يعني بيكون

ربنا عوضها وهي ماراح تحرم زوجهاعسب عنده عيال وبالعكس انا عن نفسي مقتنعه في هذا الموضوع ولا اشوف

فيه غلط كل شي يعتمد على النصيب بس اذا هذا نصيبها لازم تربي لعيال تربيه حسنه لانها بتنسأل عنهم يوم القيامه

والريال مقدور عليه لانه شرات البيبي تقدر تغير شخصيته وتبعد عنه هم زواجه الاول بالكلمه الحلوه والدعاء

تسلمين اختي على الموضوع

كل وحده على حسب اذا هيه تتحمل او لا ..

بس اذا وافقت على الريال مع العلم بظروفه لازم تحاول تجرب العيال منها …

الغلاا انا بنت وتزوجت ريال مطلق وعنده ثلاث ابناء بس اعياله عند امهم يونا فالونكد ولله الحمد يحبونى واحبهم