زواج الشباب من الفتاة السمينة رايكم

السلام عليكم ورحمة الله وبركاته

جيف حالكم خواتي عساكم بخير وعافية
ما بطول عليكم بس موضوعي هو
شو رايكم هل في شاب (في زمننا) يرضى يتزوج وحده متينة

مع العلم من اللي انشوفه إن البنات يوفقن على الشاب حتى لوكان متييين
شو رايكن؟؟

وهل أنتي إذا فرضا خطبتي لاخوج بتخطبين حقه بنت سمينة لو كانت أخلاقها طيبة

ها أبي أجوبة حقيقية مب أجوبة أنتوا اتحاولون تقتنعون فيها
مع العلم إن في القديم كنا انشاهد ريايل ضعاف يعرسون حريم فيهم صحة

ها شووورايكم

(أدري موضوع يمكن يضيق خاطر بعض البنات حرام لاتزعلون مني بروحي متينةخخخخخ )
والله يرزقنا الرشاقة عاجلا غير آجل يااااااااااااااااااااااااارب

ادعوا لي

اللهم اغفر للمسلمين والمسلمات والمؤمنين والمؤمنات الأحياء منهم والاموات

الناس اجناس

حد من الشباب يحبون الحريم الضعاف وحد منهم يحبون المتان

كل حد وذوقه

ترى حتى البنات مرات يتشاورن في الريال الضعيف او المتين

وان كان طويل ولا قصير

يعني كل انسان وذوقه

واذا بنشوف على قبل..زمان اول مايحبون الا الحريم المتان

بس الحال تغير الحين

الريال يوم يبغيج تخطبيله يقولج انا ابغي جسمها مثل جسم الفنانات ….الخ

حتى اللي معرسين وتحتهم الف ياهل يصيحون على حريم عيالهم وخاصه من يشوفون التلفزيون

اغدن شرات فلانه ..ومادري شو

وحد منهم يقولون شو نبغي في الضعيفه

اضم صوتي ويا الأخت مثل ما قالت الناس أذواق .. وهاي مب بس مقوله إلا حقيقه .. في رياييل يحبون البنت المتينه وحتى لو هم ضعاف وفي رياييل يحبون البنت الضعيفه وحتى لو هم متان ولا ضعاف ..
والله يرزق كل بنوته الزوج الصالح على هيئة فارس أحلامها لوووول

مشكورة حبوبة

حتى انا اوافقج الراي
وانا وحده من المتنالي ريلها كااان اول ما خطبني ضعيييييييف
وعقب العرس متن شويه مب وايد وعادي…وبغاني مثل ما انا….

الواحد يشوف على الاخلاق و الدين….ترا عقب السنين الجمال يروح و الجسم يمتن من الحمل و الولادة و تبقي الاخلاق و يبقى الدين

إنما الامم الاخلاق ما بقيت … فإن هموا ذهبوا أخلاقهم ذهبت ..

أنا بالنسبة لي خطبت حق اخوي وكان في بالي تكون رشيقة للعلم أنا متينه بس اللي يباني يباني جيه واللي ما يباني ما يهمني عنه ما بغى وحتى لو كنت رشيقة ومتنت مع الأيام يعني شو بياخذ علي عشان جيه الشكل ما يهمني كثر الاخلاق بس هذا كان شرط اخوي تكون الحرمه رشيقة

مرحببببببببببببببا ختيه
انا بجاوبج من واقعيه…..

وحده من قرايبنا متينه بس طيوووووووووبه وملامحها ماشالله وااااااااااايد حلوة …

والله العظيم ان مره يو عرب ايخطبون اختها العوده وقالو نبا الصغيره "اللي هي المتينه " بعد حق ولدنا الصغير ….

وحتى بويه يبغيها لخويه ..شرايج ؟؟؟

وأبد مب مأثر عليها ماشالله ربي يحفظها لآنها مب من النوع اللي ماااا يقفط عسب هالشي و لااااا يتوارا عن الناس بالعكس عايشه حياتها ومستانسه الحمدلله وهي وااااااااااااااايد حبووووبة وانا اموووووووووووت فيها بنت خالوو ^___^

وبعد أحيد غني رحت عرس والعروس كانت متينه وعليها طول يعني ضخامه ماشالله بس ماشالله عرست وريلها جسمه زين …ومن كثر غلاها والله ان خوها يوم دخلها صاح عفراقها ….

وبعد …ربيعتنا متينه ماشالله وبعد طويله وزنها 100 وشي .. وسبحان الله ملجت وقرررييييييب عرسها من واحد مزيووون ماشالله ولا يقربلهم بعد …..

شفتي ختيه ..اللي ابغي اوصله لج ان مب شرط اذا الوحده متينه والا سمارها غامج والا قصيره والا ظعيفه والا مب حلوة محد يباها وما بتعرس….لا بالعكس الناس أذواااااااااق …واللي ما يعيبج يعيب غيرج وكوني وااثقه من هالشي ….

ربي يوفقكن يمييييييييييييييييييع خواتي ويرزق العازبات بالريل الصاااااااااااالح آمييييييييييييييييين