بغيت مشورتكم اذا في وحده مرت بمثل هالحالة
صرت ما احس باي مشاعر صوب زوجي مع اني كنت احبه بشكل مو طبيعي
صرت ما اهتم حق اتصالاته لو كان برع ، غيابه ووجوده واحد
وبعد صرت افضل غيابه اقول في خاطري بدال ما كل شوي يحشرني
ويتامر وينقد ….
ما فيه اي احساس اي نظرات اي شي خاص احسه صوبه … صرت احس زواجنا غلط
هو عطاني هالاحساس كان يقابل كل احساني وطيبتي بجفاء فضيع
عيد ميلاه الي طاف جهزت له وبس يوم كان عيد ميلادي كان شبه ناسي ويوم قلت له ليش ماتهمت شوي مثل ما اهتم فيك قالي شو يعني بتذليني ما اباج تسوين لي شي مره ثانيه
يوم احاول اشوفه بنظرات حب يحب يستهبل عمري ماشفت نظرت حب منه
كل شي بالطلب كل شي لازم اقوله لازم اقوله قول انك تحبني لازم اطلب منه يمسك ايدي لازم اطلب منه يقعد يمي كل شي بالطلب لاعت جبدي والله قمت احس اني شحاته كل شي بالطلبية ما في شي من نفسه الا نادر
خاطري احس بالحب سويت كل شي عشان يحس بحبي ويبادلي بس ماشي فايده
احس بالياس و الحين احس مشاعري خلصت صوبه الواحد مايقدر يعطي ويعطي من دون ما يكون في اخذ الحياه اخذ وعطى وهالريال بس ياخذ و مايعطي الا بالطلب
حتى يوم العيد وصلت حدي عصب عليه قدام الناس كنا طالعين وعلى صوته عليه مثل كل مره طبعا وكل مره ازعل ويقولي خلاص مابسوي وانا على طول اسامحه بس يوم العيد قلت له نزلني بيت اهلي
وتمينا نرمس واحنا في السيارة لين 3 الفير وانا مب راضيه انزل غير في بيتنا وقلت له خلاص احسن شي نفتر ماشي احساس مابينا وانت عمرك مابتحبني قالي لا وانتي عطيني فرصه وطبعا انا الغبية بسرعه رضيت و بس هالمره غير رجعت بس قلبي خلاص مب موجود ما احس باي شي بينا كان قلبي مات صوبه جرحني وايد لدرجه صارت عندي مناعه الحين خلاص ما اصيح بس اعصب ما اعرف كيف اتصرف احس اني خلاص ما اباه كرهته
ما ادري لو كنت في مكانج شو بسوي بس والله مب كل البيوت قايمه علي الحب لو كلها قايمه جان ما شفتي عايلة غير مطلقة
وايد حريم اعرفم يعني الريال عادي معاها جنه وهي وكبت واحد بس امشي عشان شو عيالها
حاولي اتغيرين استايلج والريال اتراه يحب اتغير وفي رياييل لو حرقتي عمرج ما بيتغير
بس انتي استغفري 100 مرة في يوم عقب كل صلاة وشوفي كيف الله بيوفقج ان شاء الله
وادعي له بالخير والله يجمعج معاه بالحب
ادعي له بالخير دايما والهداية
بقولج نصيحة عن الطلاق خلي اخر تفكيرج لانه يوم بتردين بيت اهلج انتي بتتعبين وهم بعد بيتعبون لانه اتعرفين العادات والتقاليد
خليج دايما ايجابيه لا تفكرين بسلبيه لو طفرج اصبري
لو قهرج ردي علي برد حلو
عودية اشوي اشوي ما تدرين يمكن يتغير
انتي يمكن رومانسية بس هو مب رومانسي نفس ابلة نورة ( فاطمة الحوسني والعامري بس بالعكس ) يمكن ريلج يحبج في في ناس والله يستجون يعبرون او يتحسبون كرامتهم يتنهان
الله يوفقج
عطيه الف عذر ويمكن مشغول اوو تقدرين تغيرينه بس بصبر او قللي طلبج وطنشيه
وجوفي هو كيف بيتغير يعني لاتقولين له قولي احبك ووو هو بيحس شيء متغير ويمكن
هو يبدا ويعطيج اكثر
اذا انصدمتي بزوجك وفارس احلامك تبينه رومانسي … ويلمس يدك بحب
ويحظن يدك بسياره … ويقول كلام حب … وبين كل فترره وفترره يجيب لج هديه على الاقل ورده … يحسسك بي اهميتج ……. ألخ
وفجئه تطيح كل هاالاحلام وتنصدمين بالواقع
نصيحه مني
اصبري اول شي
ثاني عودي حالج على عدم التذمررررر وقولي الحمدالله
ثالث شي والاهم انتي لاتنتظرين هو الي يتغيرررر يمكن هو طبيعته كذا
انتي غيريه بالصبرررر لانه في رجال مايحبون الرومانسيه يسونها
لكن الرجال بطبيعته طفل اكسبيه بالحب والحنان والتغير الروتين
زوجك شكله مايحب تمنين عليه وتذكرينه انا سويت لك وانا وانا … الخ
لا لتقولين له كذا ابتعدي عن الشي الي مايحبه … وعلميه رومانسيتك بصبر…
وراح تشوفين ان شاء الله
اهم شي يأختي انتبهي تقتلين احساسك فيه
اذا مات الحب بين الزوجين صار البرودوالفتورر والكرره والفرق الله لايقدررر
حبي نفسك …. وعلمي السانك انه مايقول اكرره … قولي انا زعلانه .. لكني احبك
وااهم شي من مجرب
الاستغفار كثري … من الاستغفار وادعي الله
وابعدي عن وسواس الشيطان لانه هو خراب البيوت … ولا كل البيوت رومانسيه وسعيده
وطمنيني عليج
enty lazem ethdeen el 2mmor, w b3deen methel ma galoo my sister’s u have to think & u have to wait…
ullah ykoon fe 3oonkoum
وكل الناس يتحسبونا عايشين بسعادة وحب لكن محد يدري شو اللي يدور امبينا شوفي اختي انا تقريبا حالتي مع زوجي نفسج ويمكن اكثر
تعرفين شو قمت اسوي
قبل ازعل واصيح واتنكد والله ما استفدت غير عوار الراس اهو يضحك ويا الناس ويسولفف وانا اترجاه انه بس يبتسم تخيلي اقوله ع الاقل ابتسم في ويهي والله ما يرضى
الحين قمت كله اضحك ما اسوي سالفة للحزن حتى يوم يجرحني ما اعتبر انه جرح اتخيل انه يقولي احبج تعرفين استوت عندي مناعه من صوبه والله
حتى هو مستغرب انا ليش كله مستانسة ما اصيح نففس قبل
تعرفين ما اتعب نفسي ليش اتعب نفسي واهو مرتاح اذا مرضت ولا مت بيحزن علي كم يوم وبيفكر في غيري اكيد
خذيها مني نصيحة دايم تقربي م الله سبحانه وتعالي لا تضايقين بنفسج خليه ع راحته لا تهتمين يه اذا يحبج بيلاحظ انج متغيره عليه
واذا بغيتي اي شي يسعدني اني اتواصل معاج طرشيلي رسالة خاصة وفالج طيب
والسموحه عاد انا اخر شي ماادري شو كتبت لاني فالدوام ومليونم اتصال ومليون حد يزقرني ههه