السلام عليكم أخواتي العزيزات..هذي أول مشاركه لي فالمنتدى بكتبلكم عن قصتي اللي والله محيرتني وايد بحياتي وابا منكن النصيحة لوجه الله وأباكن تخبروني اللي استوالي لو استوالج شو بتسوين وبصراحة ..انا متزوجة من خمس سنوات وعندي ولدين الله يحفظهم لي وساكنة بشقة في بيت أهلي .. تزوجت زواج تقليدي وأكيد النصيب لعب دور كبير..بعد الزواج اكتشفت ان زوجي انسان حساس وطيب ويحبني بشكل جنوني والحمد لله بس هالحب وكل هالصفات الحلوة بدت تتلاشى في زوجي بعد السنة الثانية من زواجي .. والله يابنات أني ما اقصر معاه بشي وابادلة نفس المشاعر من حب واحترام الخ بس مدري شو اللي مغيرة عليه هالشكل والله أنه صار انسان ثاني كأني أول مرة أقابلة كل يوم صرت أكتشف فيه شي يديد وأنصدم ……. بصراحة صار يكذب عليه بأشياء وايد وصار يسبني سبات وسخة أول مرة أسمعها منه وعادي عنده يسبني قدام أهلي وقدام الخدامات والله وحتى بالاماكن العامة صار يصارخ عليه ويهيني ويسبني على أشياء تافهه حتى أني استغرب ليش يسوي كذيه واللي يحيرني أكثر انه يوم نرجع البيت يعتذر ويقولي أنا غلطان وما أعرف ليش أنا أسوي هالشي معاج …..وصار عصبي ما يتحمل كلمة مني ….الله يرحم ذاك الزمان اللي كان يخاف عليه وعلى مشاعري وايد ….حتى أهله وأخواته لاحظوا ان أخوهم طبعة تغير وكذا مرة يسألونوا عن السبب وأقولهم والله ما أعرف على فكرة علاقتي بأهله وايد زينه الحمد لله وايد يحبوني ويعزوني وانا بعد والله أحترمهم وايد ….علاقتي مع زوجي الحين شبه منتهية أنا صرت أنام بغرفة مع العيال وهو بغرفة بسببه هو ما يبي يتحمل مسؤولية العيال اذا قام ولده الصغير يصيح بليل يهاوشني أنا ويرد السبة عليه ويطردني من الغرفة انزين انا شو ذنبي …. استغفر الله من هالحياه والله لو ما عرست وايد احسن …..والله كرهته من كل قلبي من اللي سواه فيه وفي أهلي ومو قادرة انسى الكلمة اللي قالها لي انه أهلي ما عرفوا يربوني وأنا أنسانة مو محترمة …… الله العالم أني متحملتنه بس عشان هالعيال ولا من زمان طلبت الطلاق وأفتكيت من شره …..آسفة طولت عليكم بس والله من قهري
آللـه يكون بعونج حبيبتي .. 
حاسه فيج بس ماعرف شو أقوووووووول!!!!
حاسه فيج بس ماعرف شو أقوووووووول!!!!اهم شي التفاهم خلي حد من اهله يرمسه ويكون هو يحترم هالشخص وايد دام علاقتج مع اهله حلــوه..وربي يردكم لبعض ردا جميلااااااا
حبيبتي حاولي تقرين سوره البقره دوم
و قبل لا تعطينه الماي اقري فيه
ولو تشربينه ماي مقراي ترا زين
و قبل لا تعطينه الماي اقري فيه
ولو تشربينه ماي مقراي ترا زين
لان مدام تغير فجأه جذي
وبنفس الوقت يعتذر
و كل هذا وهو ماخانج او ان عنده وحده تقص عليه
ف الله اعلم يمكن عين او شي جذي
اسم الله عليح حبيبتي عين وما صلت ع النبي
عيل ريال اش زينه يتغير لهاي الدرجة مع تاكيدج بانج مش مقصرة عيل السالفة فيها شي
عيل ريال اش زينه يتغير لهاي الدرجة مع تاكيدج بانج مش مقصرة عيل السالفة فيها شي
اقري يوميا البقرة + 200 مره الكرسي
او 7 مرات كل من هاي السور ( الرعد ، الصافات، ق ، الجن ، الطارق )
و7 مرات الأذان
بتستصعبين الموضوع لكن مب خسارة هالساعتين يوم الله بيرد لج ريلج وبالتوفيق
الله يسخر لك زوجك ويرده لك احسن ما كان يارب ، لازم اختي تكثري من الاستغفار والدعاء له لان القلوب بيدالرحمن يقلبها متى شاء فالدعوة الملحة وكثرةالاستغفار تنفعك وتنفع زوجك ويمكن يمر بظروف لازم تجلسين معه وبطريقة حلوة ومرتبة وكانك باول زواجك وترتبين كل الامورالخاصة للقاء وتحاوره بكلام جميل وسلس ولا تلومين ابدااا ويمكن يحن قلبه ويخبرك عن سبب معاملته وانت كوني دكية معه واختاري الالفاظ الجميلة وحسن تبعلك له وان شاء الله تحصلين نتائج لكن ليس من اول مرة لازم تكررين وماتملين حتى تعرفي اسباب نفوره وتعالجينها باسلوب جيد ويكون لصالحك ولصالح اولادك ، ولاتفكرين ابدا بالسلبية وكوني قوية بشخصيتك وابعدي اي شيء يسبب له الازعاج وان شاء الله يرده الله لكي ردا جميلااا . ان شاء الله اكون افدتك عزيزتي الله يهون عليك وييسر لك امرك اختي الكريمة ,
الله يعينج ياختـــي
يلسي ويااه واتفاهمو ليش كل هذا وشوو السبب عسى الله يهديه .,,
يلسي ويااه واتفاهمو ليش كل هذا وشوو السبب عسى الله يهديه .,,