السلام عليكم ورحمة الله وبركاته
أخواتي انا لي سنتين متزوجة …
المهم … أول عيد مر علينا عيد الفطر المبارك هديت زوجي وهم هو هداني…العيد اللي بعده هديته وهداني…
بعدها جا يوم ذكرى عقد القران(الملكه) وسويت له حفلة طبعا في البيت انا وهو بي وهديته وكان عنده خبر باليوم ويدري اني مسوية مفاجأة ولكن مع ذلك ما هداني ولا شي
وجا يوم ذكرى زواجنا الأول وسويت له حفلة وهديته وما هداني شي
وجا الأعياد مرة ثانية وهديته وما هداني شي
وجا يوم ميلاده وهديته ويوم ميلادي ما هداني شي
وحملت بعد سنتين وكانت فرحتي لاتوصف وهديته هدية لأني كنت بعيده عنه شهر كامل ما يشوفني الا خميس وجمعه وهم ما هداني شي
مشكلة زوجي مو بخيل لا حشى فديته الغالي بس عنده الهدية في السفر وبس يعني اذا سافر جاب لي هدية اما المناسبات المهمة بالنسبة لأي زوجين هي عنده مو مهم فيها هدية
فقولوا لي كيف أقنع زوجي بإن الهدية مهمة ولها تأثير على نفسي
وتفرحني لو كانت وردة وحده
مع العلم بإنه مو مقصر علي الله يحفظه ويخليه
انا في انتظاركم
وقوليله الله تذكر يوم هديتني هالشي
اسميني استاااااااااااااانست واااااااااااااااااااااااااايد وحسيت اني غاليه عندك
عاد لو هو ذكي بيفهم 
الله يعينج
حاولت وااااااايد
بس مليت بدال ما اقنعه انه لازم يهديني اقنعني هو انه مو لازم يكون بيننا هدايا
حتى اني كنت اخلي العيال يهدونه لو وردة او يهدون بعض
بعد ابطريقته حسسني انه ما له دااااعي
ونفس الموضوع … مو بخيل بل مسرف درجة اولى وفي السفرات هداياه توصللنا جميعا
حتى كل العايلة
انا بديت استسلم
ما اتمنى اكون احبطتج
بس اتمنى عن طريق موظوعج تنحل مشكلتي ومشكلتج