*عيشي الواقع !! مرده بيرجعلع !!
( أي واقع الي تعيشه !! تعيش واقع انه ريلها يخونها و عنده علاقااات ! ليش ما يخلص لحرمته و يصونها !! )
* ما بتقدرين تغيرينه اصبري عليه !!
( تصبر عليه لين متى !! لين ما يحس انه هالشي عادي و يتمادى في خياناته أكثر و أكثر لأنه محد يحاسبه !)
* طنشيه و لا تحسسينه انج تعرفين بشي ، لا تخربين حياتج الزوجيه !!
* دلعيه و غرقيه بكلام الحب عشان ينسى الي برع
( يعني هو يجرحها و يخونها و هي تدلعه و النتيجه : يحصل الحب برع و داخل البيت يا سلااام ^____^ )
انا بصراحه ما عندي خبره كافيه فالحياة الزوجية و توني مالجه من كمن شهر ، و ما ودي اضايق اي وحده بهالموضوع من الي عندهن خبره فالحياه و يشوفون التطنيش أحسن حل !!
بس وجهة نظري انه هالموضوع ما يباله خبره !! يباله منطق !! العقل يرفض فكرة الخيانه لو شو ما كانت الأسباب!! ليش هالردود البارده الي تقلل من حجم الخيانه و تحسسنا انه شي عادي و واقعي ولازم الزوجه تتعايش معاه !
فعلا شي غريب …
و أتركلكم حرية النقاش و التعبير ^_^
وين الدين وين الخوف من الله
لاحول ولا قوه الا بالله
و ليش يطلقها بس لانها تواجهه بخيانته !!
لا ما توصل للطلاق بالعكس الريال الي المفروض يستحي على دمه
الله يبعد شباب المسلمين عن المنكر
وكما تديين تدان .. خيانة بخيانة سبحاان الله وانا شفت بعيني ..
طال الزمن والا قصر بترد فيك يا رياال ..
الله المستعااان ..
ساعاات وفي اغلب الحالااات تكون هالنصاايح فعااله فديتج
واذا كل زوجه ريلهاا رمس بنت بتترك الجمل بماا حمل وبتطلق
جاان ماا تمت زوجه في بيت ريلهاااا 00واذا الرياال مااا يزني فعلى الزوجه
الصبر واحتسااب الاجر وتحتاال بكل وسيله وتكبر عقلهااا ^_^
والنصيحه لااازم تكون بماا يرضي الله يعني لو وحدة اشتكت وقالنالهاا تطلقي
وحرضناهاا ع ريلهااا ماا بنحل مشكلتهاا بالعكس بندمر بيتهاااا وما بنحصل ورااا
هالنصيحه غير الاثم والعيااذ بالله وبتكون بذمتناااا 0
موفقه حبوبة والله يتمم لج ع خير ويسعدج يااارب 0