أخواتي الغاليات اللي بتكلم فيه في هذا الصفحة مشكلة حقيقية تعاني منها
أعز صديقة لي ..
و نزلت الموضوع في هذا المنتدى الغالي مب عشان موضوع نبي نرمس فيه و السلام..ولكن عسب أناقشه و نوجد له حلول..جذرية..
و اللي شجعني أعرض عليكن المشكلة ..العقول النيرة و الرزينة اللي لمستها في هذا المنتدى الحبيب على قلبي …
السموحة على الأطالة…
تشكي صديقة’ عمري ، الغالية على قلبي…من زوجها…و صارلها اتعاني من سنين…و هي صابرة … و محتسبة مصبيتها على رب العالمين..
لكن الحين الأمور ما عاد ينسكت عليها أبدا…
زوجها في بداية زواجهم كان زوج زين ..و هي ما شاء الله عليها جمال و أدب و أخلاق…
لكن بعدين لاحظت عليه اشيا غريبة..
يعني اشيا حساسة بين الزوجين…(( ما يبي الحلال الطيب .. يبي اللي حرمة رب العالمين… )) اعتقد كلامي واضح..
كلمته ان هذا الشي حرام و ما يجوز..و جابت لها الأدلة الشرعية..من فتاوى
أكبر المشايخ( بن باز ،، و بن عثيميين ,,) رحمة الله عليهما..و غيرهما..
أتبعت معاه كل الأساليب.. اللي الوحدة ممكن اتسوييها…
مرة الكلمة الحلوة ..و مرة بالنقاش الهادف الهادي..و ماكو فايدة بهالريال..
أهي اصرت على موقفها و هو امعاند معاها..
لين ما وصل الحال بأنه صار يعرف بنات من كل صوب..و هجر الزوجة و البيت
و لعيال..بكل ما تعنيه الكلمة من معنى ( هجر اجتماعي و عاطفي و مادي)
و هذا الموضوع مستمر من حوالي سبع سنين …
الله يكون في عونها…الإجابي في الموضوع أنها ألتزمة بدينها أكثر من قبل..
و دايما اتقول لي : (( و الله يا رفيجة عمري لولا ثقتي برب العالمين و توكلي عليه كان استخفيت من زمان ))
خواتي و الله العظيم لو أنها اتبين جدامي أنها قوية لكني أعرف أنها اتعاني الكثير يكفي أني يوم أتصل فيها كل ليلة أمسي عليها ألاحظ صوتها متغير من كثرة لصياح..
ذبلت ذيج الوردة ..أمس قالت لي ان حاسة ان الهم و المشاكل هدن حيلي و أني بموت منهم ..بس أخاف على هالعيال يتشتتون…من بعدي…و هي الحين حالتها وايد صعبة …
هذا اللي خلاني أكتب هذا الموضوع..
خواتي الغاليات ارجوكن…
الموضوع جاد… أبي حلول جذرية…و الله العظيم أن الموضوع حقيقي..هذا يمين بيسألني عليه ربي يوم الدين…
انتظر ردودكن..خواتي الغاليات
اختي .. اعتبري هالمشكلة .. اختبار من الله سبحانه وتعالى لصديقتج .. ويبا يشوف صبرها وقوة احتمالها ..
ونفس ما قلتي في كلامج .. زاد ايمانها .. وهذا شي راااااااااااااائع .. صبرت ,, وتعلقت برب العالمين بالثقة .. وربي إن شاء الله يسعدها ..
صدقيني يا عزيزتي .. الدعاااااااااااء .. ثم الدعااااااااااااااااااااء .. ثم الدعااااااااااااااااااااء
تطلب من الله يهديه ويصلح شأنه .. وربي يعينها ..
مالها غير رب العباد تطلب منه .. لأن الشكوى لغير الله مذلة .. ومحد بيلقي لها البال ..مرة مرتين بيسمعون .. وبحاولون يرمسون ريلها .. لكن لين متى ..
بس شوفي لو طلبت من رب العباد .. سبحان الله .. ربي بيسر إن شاء الله امورها .. وبيهدي ريلها ..
الله يستر على الجميع .. ويحفظ بنات الناس وشبابنا من هالغش والخربطة ..
موفقة الغالية بإذنه سبحانه ..
المشاركة الأصلية كتبت بواسطة Dmoooa 
اختي .. اعتبري هالمشكلة .. اختبار من الله سبحانه وتعالى لصديقتج .. ويبا يشوف صبرها وقوة احتمالها ..
ونفس ما قلتي في كلامج .. زاد ايمانها .. وهذا شي راااااااااااااائع .. صبرت ,, وتعلقت برب العالمين بالثقة .. وربي إن شاء الله يسعدها ..
صدقيني يا عزيزتي .. الدعاااااااااااء .. ثم الدعااااااااااااااااااااء .. ثم الدعااااااااااااااااااااء
تطلب من الله يهديه ويصلح شأنه .. وربي يعينها ..
مالها غير رب العباد تطلب منه .. لأن الشكوى لغير الله مذلة .. ومحد بيلقي لها البال ..مرة مرتين بيسمعون .. وبحاولون يرمسون ريلها .. لكن لين متى ..
بس شوفي لو طلبت من رب العباد .. سبحان الله .. ربي بيسر إن شاء الله امورها .. وبيهدي ريلها ..
الله يستر على الجميع .. ويحفظ بنات الناس وشبابنا من هالغش والخربطة ..
موفقة الغالية بإذنه سبحانه ..
مشكورة أختي على ردج الطيب..
و هو صحيح وايديين رمسوه ما يهجر اهله بدون مايعرفون هذا الموضوع لأنه ما في أحد يعرفه غيري.
و صدقيني اختي حيى القاضي لما راحت لها..حضر الزوج و كلمه و ذكره بالله
و الزوج وعدها جدام القاضي انه تاب و لكن كلها أيام و رجع ألعن عن قبل..
الله المستعان
بس خلها تتأكد يمكن المكان توسع لديها وزوجها مب حاس بشي معاها .. خلها تراجع طبيبة نسائية لتعطيها الحل السليم .. وفي خوات في المنتدى يروجون على اعشاب تضييق ويقولون انها جابت نتائج مذهله وخلت رياييلهم لاصقين فيهم والله اعلم …
جزالك الله يا اختي على وقفتج مع اربيعتج وخاصة في اشد الظروف …
ربيعتج جزاها الله الف خير ايمانها برب العباد قوي والله يعطيها العافية والصبر …
طاعة الزوح واحترامه واجب علينه ونتحاسب عليه بس بحدود الله …
يعني المفروظ انه ما توافق على اي شي يطلبه لها زوجه وخاصه في معصية الله والله الله سبحانه وتعالى حرمه …
وانا اتمنى لها بالسعادة مع زوجها وعيالها …
وما في احسن من كلام الله
قران القران وخاصة " سورة البقرة " كل يوم وان شاء الله بإذن الله تعالى بيفرج همها وبترتاح نفسيا وان شاء الله بيهدي زوجها … وعليها بالدعااااء في كل وقت …
والصدقة
والله يصبرها وياجرها …
وجزاج الله الف خير يا اختي الغالية …
ام عبااادي
جربت مثل ما قلتي لكن الزوج ما يبي مثل ما يقول الا اللي في راسه ..
صدقوني أنا عايشة المشكلة معاها المسكينة ما خلت طريق إلا سوتها ..
أنه اول شئ ترضي ربها ويصبرها على طريق الصواب
وأنتي خلج دووووم وياها والله يوفقكم