زيارة ربيعتي والطبخ ؟؟!!

سلام عليكم ورحمة الله وبركاته ،،

مرحبآآآ صبآآيا ،، شحالكم ،،،

بغيتكم تساعدوني من خلال خبراتكم الطويلة وأكلاتكم اللذيذه في الطبخ

ربيعتي بتي عندي البيت ماأعرف شو أطبخ من الحلويات والأكلات ،،

ياريت تساعدوني بأفكاركم وكيف أرتب السفره لأن هاي أول زياره لها عندي ،،

الغالية أنا منزلة موضوع الميني تارت

سهل وبسيط وحلو

وتراميسو مياري الكل يمدح فيه

وسوي لها عصاير وأكلات خفيفة

فدييييتج مشكوره ع الرد والمساااعده ،،

تصدقين أول مره أسمع بهالأكلات ،،

خليني أجوف الموضوع وأتثقف شوي ،،

جان اربيعتج بتي سويلها اكلات دلع لانه زيارتها سوالف هب اكل اكل

.. العصاير..
سويلها عصير كوكتيل بس في كاسات عوده وحلوة
حطي الصينية وعليها مفرش صغير ونثري ورد حوالين الكاسات
وحطي الماي في جيك زجاجي وقصصي الليمون شرائح ومعاهم ورق نعناع وبعد نفس الشي حطي كاسات دلع

——————————–

.. ميني سندويتش ..
ييبي سليس وبالمشبك مال العجاين رقرقي السليس وحطي الحشوة اللي تبينها ولفلفيهن رولات
.. مثل ..
شاورما (دياي لحم) وحطي التوثبيك عليهن مع حركة زيتونه او مخلل
او جبن بالزعترفلافل باللبنة وغطيهن من الجوانب في زيت زيتون وزعتر

………………………………………….. ………………
.. بيتزا خفيفة وسريعة ..

صمول صغير مدور او عادي الطويل وحطي عليه صلصة البيتزا وحشوة البيتزا ومن عليه الجبن
وحطيه في الفرن لين ما يذوب الفرن ورتبيه في صحن التقديم بحركات حلوة

————————————————————

.. صحن الفواكه ..

ييبي غرافة الايس كريم واغرفي كرات من اليح والبطيخ وحطي عليهن حبات العنب
وحطيهن في كااااسات الايس كريم صحن شكله غريب والوانه حلوه

—————————————————

.. الشاي ..
استخدمي الابريق مال الطقم وحطي فيه ماي وشاي باي نكهة تبينها
وحطي السكر في انية الطقم الخاصة بالسكر
ورتبيهن في صينية صغيرة شكلها حلو ..

————————————————

.. صحن مكسرات متنوعة ..
.. في منتدى الحلويات بتحصلين طريقة البسبوسةكنافة .. حلوة وخفيفة للصحبة الطيبة

وان شاء لله تستانسون بالسوالف الحلوة والطيبة

اختي يعتمد على الوقت اللي بتزورج فيه
اذا الصبح سوي ريوق خفيف وكرواسون
واذا العصر حلويات
اما عقب المغرب سوي عشا خفيف مثل معجنات سمبوسة ورق عنب وكبة مع عصاير وحلويات

ما شا الله عليج إختي مزون أحسج مبدعه في الطبخ وأفكارج جهنميه

ربي يعطيج ألف عافيه ، وأشكر ردج حبيبي

لا هي إن شا الله بتي عقب المغرب

وإن شا الله رااح أسو عشى خفيف مع السويت ،،

أشكرج ع التواصل وردج الطيب …