زيــــــــــــــــن الأتـــــــــــــــــــــــــــــــــــات حبوب قاطعة الشهيه

مساكن الله بالخير خواتي
اشحالكن عساكن الا بخير ؟؟؟؟؟

خواتي انا ماييت اكتب لكن هنيه الا اني كلي ثقه انكن بتساعدني وباللي تامرن عليه

خواتي انا عندي اختي بالرضاع ماشالله عليها وااااااااايد متينه ومن 12 سنه معرسه وللحين ما انجبت والدكاترة يقولولها انها مستحيل تحمل دام هذا وزنها يعني هي محتاجه تنزل وزنها 100 كليو ونفسيتها كل ماياها تتحطم وخصه يوم تسمع بوحده تحمل او تربي خاطرها بنونو وهي وااااايد شغوفه عالصغايه فيا خواتي رجيتكن ابا اساعدها واطلعها من اللي هي فيه ابا حبوب قاطعة الشهه لزين الأتات ابا حد يروم يوفره لي و بطرش البيزات ع رقم حسابها وتشتريلي اياهم بليييييييييييز خواتي ابا اساعدها لأن حالتها واااااااااايد صعيبه

ربي يجازيكن الف خير و ينولكن اللي بخاطركن و ينور دربكن و يجعل لكن من كل ضيق مخرجا انشالله

خليها تسير عند دكتور يسويلها فحوصات يجوف سبب السمنه اللي عندها ..
وتتعالج عن طريق دكتور … ابتعدوا عن الحبوب ما يي من وراها الا البلاوي …
والله يرزقها الذرية يارب

الغاليه هال الحبوب مب زينه الانها تقطع الدوره (ها الي سمعته)
والسموحه

خواتي نحن سمعنا جيه بس هي مصره تباهم بلييييييييييز اللي يقدر يساعدنا لا يتأخر

بس حبيبتي الوازره اعتقد انها منعت ادويه زين الاتات لانها مضره بالصحه ..

فديتج مايصير اتعالج شي وتخرب شي هاي الحبوب مب زينه ممكن اتضرها وماتفيدها خليها اتشوف دكتور احسن