مع العلم ان اخر دورة كانت عندي 16-9-2017
وربي يوفج ويثبت حملج امين
المهم امس يوم سرت لهن انصدمن عرفن اني حامل من تاريخ 20/ 6 يعني لي الحين 23 اسبوع مب على قولتهن 19 اسبوع
والمشكله اعاني من ولادة مبكره
ادعولي الله يثبت حملي ويثبت حمل كل وحده فيكم
جووفي هم ما يعرفون وين الله حاطهم ,, بس الجهاز الي يقيس ويعطيهم على حسب حجم البيبي مدة الحمل
بس احيانا في يهال يكونون صغار فتلاقينهم ياخرون مدة الحمل ,, مافي طفل مثل الثاني على شان جهازهم
يقرر ويعطي نتايج ثابته ومدة حمل,, جووفي بحسابج انتي مدة حملج على أول يوم من آخر دورة
وماعليج منهم ,, انا نفس الشي,,لان البيبي وزنه بعمر جنين في الاسبوع الثلاثين قالوا انتي فالاسبوع الثلاثين ,,
وانا اعرف اني مخلصه الواحد والثلاثين حتى,, بس نونوتي صغير شوي وهذا طبيعي في عايلتنا
كلنا سمول سايز هههههه ^_^ ,, توكلي على الله وما عليج منهم .
اللهم حسن الخلق وهون الطلق .
ويوم رحت عقب تاريخ 15-10 باسبوع قالوا لي .. وصبرت ع تاخير الدورة وسويت فحص وتم ما يطلع موجب ..
سويت الفحص يمكن مرتين … وتم يطلع سالب ..
عقب سرت للدكتورة وقالت لي في سحابه فمنطقة الرحم وان الرحم غليظ .. سالتها شو يعني ؟؟ قالتي انه يمكن دورة ويمكن حمل ..
بس انا قلت لها انا اول مره اشوف هالشيء … قالت لا تفكرين عندج من اسبوع لعشرة ايام اذا مانزل لج شيء تعالي ..
بس انا ع الويع اللي فيني .. ما قدرت اصبر يوم كملت 8 ايام نشيت الصبح ع الريج وسويت فحص وطلعت موجب واااضح ..
سرت للدكتورة وسوتلي سونار قالت مب مبين شيء وسويت فحص دم .. وطلعت حامل بالاسبوع الثاني ..
وكان هالكلام بتاريخ 3-11 .. وقلت للدكتورة كيف انا اخر دورة تاريخ 15-9 .. قالت لا الحمل صار متاخر سبحان الله
وصار ع اول 10 … اللهم لك الحمد حمدا طيبا كثيرا مباركا فيه … وانا الين لازم ادخل الثالث .. بس لان الحمل متاخر صرت فنص الثاني .. والحمد لله ..
يعني انتي الحين شهر ونص ( نص الثاني ) اذا نفس حسبتي .. وربي يثبت اللي فبطنج وبطني .. آمين
عزيزتي صحيح وشي طبيعي خصوصا للي فيهم تكيس ويشربون المردقوش
عادي في اي لحظه يصير حمل لان البردقووش مفيد ويخليج تحملين بفضل الله ..
وانا اخر حمل كان متأخر قبل لااتيني الدوره حملت يعني مب عقب الدوره
لكن الله ماكتب له الاستمرار واجهضت والحمدلله على كل حال .. حتى كان في الدم في هرمون حمل
وفي الرحم مايشوفون حتى الكيس بعد مب متكون ..
هم ادرى عزيزتي ^.^ بس سيري عند دكتوره شاطره بها السوالف والسموحه ..