سؤال حول اسبانيا؟؟؟

السلام عليكم و رحمة الله……. خواتي سمعت عن اسبانيا كدولة للسياحة بس محد من الأهل سارلها من قبل . غاللي سارت ياريت تفييدني بأسماء الأماكن و الفنادق اللي فيه……………………….. حابة أخطط لرحلة القيظ من اللحين و أقارن بين كذا دولة.. . مشكورين مقدما

أسبانيا حلوه .. الأسواق والملابس اللي هناك تحفه .. ما شفت مثلها لين الحين .. الشوارع والمباني المدينه كلها بشكل عام قديمه .. أكثر الأماكن السياحيه فيها هي القصور والقلاع اللي تركها المسلمون أيام الأندلس ..

الصراحه لازم تسيريلها بس قبل .. لازم تكون عندج خلفيه عن قصه المسلمين كيف كانوا فالأندلس .. عزهم وقوتهم وأملاكهم .. وكيف كان سقوطهم ..
وااايد اتأثرت تعيشين الموقف وانتي هناك .. والقصور فظييعه جدا جدا ..

سرنا :

مدريد : نتمشى في شوارعها وكافيهاتها واسواقها ..
غرناطه : زرنا قصر الحمرا .. وزحمه لازم تكون زيارتكم من الصبح عشان تلحقون ادورون القصر كله ..
قرطبه : مسجد قرطبه .. وبعض المحلات الصغيره اللي كنا نشتري منها أشيا تذكاريه ..
روندا: كانت وايد مرتفعه .. فيها بعض الأشيا الأثريه .. وبالنسبه للمحلات .. كان فيها أشيا يدويه حلوه .. مثل المفارش والشنط الجلد .. وفيها مسرح مصارعه الثيران .. لكن أنا ما تشجعت ..

أسبانيا ترى حاره .. انا يوم سرتلها كان شهر 10 .. الشمس يوم تطلع حرر .. لكن العصر وبالليل الحراره وايد تنزل كانت تستوي 15 ونازل ..

للصيف ابدا ما انصح فيها .. لانها حاره .. ومافيها وايد خضره ومناظر طبيعيه مثل باقي البلدان الاوروبيه ..

الشعب .. بشكل عام ما يحبون العرب .. وايد فيهم كبار فالسن .. والبارات منتشره في كل مكان ..
يعني لو ما تعرفين ريحة الخمر بتعرفينها هناك .. هههه ..

انطباعي عنها بشكل عام …. حلوه … ولها جو خاص ..

هلا .. تراها حاره في الصيف … يعني بتسمرين ..

انا .. سرت مالقا … ويلسنا في بورتا بانوس … الصراحه صاخبه ليل ونهار …

رحنا قرطبه .. وغرناطه .. روعه الآثار… قصر الحمرا .. المسيد …بس الصراحه اتروحين وتتحسرين على الأندلس ….يعني كل شير كان للمسلمين استولوا عليه ونسبوا الهم

بعد رحنا جبل طارق ..

و رحنا حديقة الحيوانات عجيبه .. ورحنا حديقه التماسيح … واماكن وايد ..

الصراحه الجو كله تدخين ,,,,

انا سرت سنة 2024 في الصيف وناسيه بعض الأسامي وعندي بروشورات ,,, إن شالله اول ما اتحول بيتي وابطل كراتييني .. بطلعلج كل المعلومات بالأسامي ..

انا الصراحه عجبتني وودي اسير مره ثانيه …

إسبانيا أحلى شي بالربيع أما صيفها حار شوي،، فلو مخططة تروحي جربي قبل شهر 7!! أما لو إجازتك في شهر 7 أو 8 فما أنصحك تروحي!!! أنا ما رحتلها بس ممكن أفيدك من ناحية السياحة،، خالي مستقر من زمان فإسبانيا وعنده بزنس كبير هناك من ضمنها شركة سياحة كبيرة في مدريد متصلة بكل المناطق السياحية بإسبانيا بالإضافة لأن عنده مجموعة شاليهات بحرية مطلة على البحر،، لو حابة ممكن أطرشلك كرته

حبيبتي ما انصحج تروحين في الصيف لأن الجو حار شوي….أنا رحت مدريد وبرشلونه وايد استانست وأسواقهم اتجنن:22 (5):

هلا اختي

انا سرت صيف 2024 بصراحه حلووووووووووه بس مب حر بلادنا طبعا انا عجبتني وسكنا في مدريد في فندق كراون بلازا اربع نجوم بس وايد حلو يطل علي ساحه كبيره ونافوره ونروح السوق مشى وعدالنا بعد المترو وكل مشاويرنا سوينها بالمتروووو مايضيع خريطتهم وايد سهله وسرنا بعد برشلونه للشوبنج لان وايد مدحوووها حقنا وهي طبعا تجارية درجة اولي عن مدريد عن طريق الطيران الداخلي ورحنا مالقا وماربيا بصراحه البلاد حلووووووووووووه وسرنالها عن طريق الطيران الداخلي ورجعنا من هناك بالقطار بصراحه كانت رحله وايد حلوووووووووووووووووووووووووووووووووووه

ماشاءالله ما قصروا بنات البلاد