سؤال عن المشاوي

السلام عليكم بنات .. بغيت خبراتكم في هالسالفة .. انا موووول ماعرف اطبخ بس احاول ..

اشتريت وايد من اللحوم المثلجة مثل البرجر و الفيليه والكباب اللي يكون مثلج ..

ابغي اعرف كيف اشويه بس بدون استخدام الزيت؟ يعني احطه في الفرن و هو مثلج؟ لمدة كم؟؟ او في شواية ممكن استخدمها تكون اسهل من الفرن لاني ماعرف اضبط الحرارة؟

و كيف اسوي البطاطا بنفس الطريقة بدون زيت او قلي؟ يستوي احطها في الفرن او الشواية؟؟

الله يخليكم لا تبخلون علي ابخبراتكم .. اترياكم

و مشكورين مقدما

السلام عليكم
طبعا يصير تشويها بس الطعم مو نفسه بس صحي أكثر وأسهل , ادهني صينية بالزيت وتحطيهم بالفرن أوادهني القطع بالزيت وحطيهم عالشواية واذا ما بتدهنيهم حطيهم بصينية تيفال, وقلبي القطع على الوجه الثاني بنصف مدة الطبخ الحرارة حوالي200 ومو بلازم الالتزام بالحرارة بالضبط مثل الكيك,وتحتاج من ربع ساعة لنصف ساعة حسب حجم القطع وممكن بالنظر تحددي اذا نضجت أو جربي قطعة المهم تكون ناضجة من الوسط, والبطاطا ممكن بالفرن اشتري البطاطا الصغيرة بحجم البيضة واغسليها واتركيها بالقشر ولفي كل حبة بطاطا بورق السيلفر (اللامونيوم) وضعيها بالفرن لمدة نصف ساعة تقريبا وممكن التأكد من نضجها بادخال سكين فيها الى الوسط وتكون طرية ورشي لها ملح وكمون أو أي بهارات تحبيها بس الكمون لذيذ مع البطاطا المشوية وصحتين وعافية

هلا اختي
بالنسبه للبرغر انا استخدم المقلاه اللي فيها خطوط مثل الشوايه اللي تتسكر
وما يحتاج استخدم الزيت وياه

وبالنسبه للبطاطا انا جربت في الفرن بس حسيت المقلي اطعم

وسلامتك
اتمنى اني افدتك

مشكورين بنات ما قصرتو فديتكم والله