سؤال مهم لكل زوجة

السلام عليكم

خواتي بغيت اسالكم اذا في مرة حسيتي بعدم رغبة الزوج في زوجته وعدم احترام انوثتها

شو بتكون ردة فعل كل وحدة فيكم اذا مرت بهالظروف

مابقدر احترمه
وبحتقره
مابقدر اعتبره رجل

مره؟! يعني شعور لحظي مو دائم
اذا حسيت بهالشعور لاي سبب قد يكون فيه شك
ممكن اكلمه واناقشه
لكن اذا كان السبب شي اكتشفته ممكن اقلب الدنيا على راسه
ولكن اذا كان هالشعور دائم بسبب ممارسات يقوم فيها الزوج وفيها قلت قيمة حقي
فممكن فعلا افكر في كيفية تأمين نفسي
وترتيب كل اموري
قبل ليتصلوبة قسم الاستشارة الاسرية في المحكمة

شعور مؤلم ومزعج
قد يكون خلفه اما انثى اخرى
او تحريض

بيطيح من عيني للأبد

و عليج السلام حبوبه
اول شي غناتي ، برمسج بصراحه ( لا حياء في الدين )الرغبه الجنسية عند الريال او الحرمة تعتمد اعتماد كلي ع النفسية فإذا كان الواحد منهم تحت ضغط شغل او أشغال يومية : عند أقساط البنك ، سامان البيت ، مدرسة اليهال ، مصاريف وأيده ، و الا الحرمة نفسيتها تعبانه توها مخلصة نفاس ضاربتنها كآبه ، ضغوطات الصغارية ، كل هاي الأشياء تأثر ع الرغبه الجنسية ها باستثناء اذا كانت الزوجين متزاعلين او شي مكدر صفو عش الزوجية، فلا يروح تفكيرج للناحية السلبية وًاعرفي السبب بسؤال الزوجً بأسلوب راقي و رومانسي و تفائلوا بالخير تجدوه

فكرت وايد انه ممكن تكون وحدة ثانية ، بس ما اقدر اتاكد من هالشي وما احب انه هالشعور يتملكني لاني مو ناقصة اكتئاب اكثر من اللي انا فيه

ما تتخيلون شكثر انا متضايقة ، تخيلوا لو انا يلست يوم كامل ما اكلمه ما يسالني شو بلاج ما تتكلمين …… بصراحة عقله مش معاي يا عقله بالدوام او بالايباد صار لي 8 سنين على هالحال ، كل مرة اتكلم معاه واناقشه يقول لي اوعدج اني اتغير وكلام اللي يمحيه النهار