ساعدونى وعطونى الحل السريع

بنات صح ان المكان مب حق المشاكل بس انا ابى تعطونى الحل لان اهنيى وايد الى يدخلونه بنات انا صارلى اسنين ادورعلى وضيفه ويوم طلعلى الشغل طلعلى فى الكهرباء والماء ولازم ايلس على الكاشير والحين من اسبوعين يلست واتعلمت على الشغل بسرعه بس المشكله كل يوه يصير عندى عجز فى الايراد الى انا ادخله مع انى احسب صح وارد اعيد الحساب واعطى العميل المبلغ المتبقى وبعد يطلع عندى ناقص وانا الحين مضايجه لان لازم انا الى ادفع العجز ويدوب الراتب يكفى قولولى شو اسوى الحين هل اطلع من الدوام والا اصبر الين ما اتعود على مهارت الدفع مع انى احسب بالاله الحاسبه وبالكمبيوتلر يا جماعه عطونى الحل السريع لانى وايد مضايجه وكل يوم اصيح وصابى وسواس من الكاشير والا يمكن عين جاستنى ولازم اطلع دفع بلا عن الدوام لان يوم يصير عندى عجز ويوم لا عطونى الحل السريع الله يخليكم

صبري الغاليه … وان شالله بتتعلمين على الشغل شوي شوي

اكيد الخطا عندك في الحساب قبل ان تدخلي من عميل لعميل تاكدي ان ايرادك مضبوط ولو ستراجعين خمسين مره ولكن لا تنتقلي من عميل الي عميل حتي تتأكدي ان اخر عمليه مضبوطه
والله يوفقك

(سبحان الله وبحمده سبحان الله العظيم)

مشكورين على الرد بس انا ما انتقل الا وانا متاكده انى عطيت المبلغ صح بس بحاول ان اركز اكثر

انا مش قصدي تتأكدي من مبلغ العميل اللي بتتعاملي معاه في اللحظه والتو انا قصدي كلما تتنتقلي من عميل لاخر تراجعي ما سبق(كل العمليات السابقه وليس العميل السابق فقط)زلا تنتقلي للعميل التالي الا لو تأكدي ان كله تمام حتي لو اتاخرتي شوي مش مهم بحيث انك اول ما تلاقي الغلط تعرفي انه مع اخر عميل فتراجعي حسابه مره اخري قبل ان يمشي
والله الموفق

حبوبه ليش ما تطلبين نقل قسم … والغاليه شي طبيعي اي وظيفه في البدايه تكون صعبة ومع التعود كل شي بيصير سهل