والله خواتي أنا كنت ادور عن مستشفيات لعلاج العقم للرجال بالنت لأننا أنا وريلي ما نعرف وين نسير وما عندنا خبرة وصار لنا 3 سنوات متزوجين وتوه ريلي وافق لي يسوي فحوصات وأنا ولله الحمد فحوصاتي سليمة بس ريلي عنده انعدام في الحيوانات المنوية وحابين نعرف من شوالسبب وطبعا بصعوبه رضى لي يسير يفحص!!! فدخلت النت وسويت بحث عن افضل المستشفيات لعلاج العقم في الدولة وطبعا دقيت على مراكز كثير مثل "مركز دبي للإخصاب" اللي ما عندهم مواعيد حاليا و"مستشفى التوام" اللي مواعيدهم تبدا من شهر 10 لأن حاليا عندهم زحمة في المواعيد…وبعدين لقيت مستشفى اسمه"مستشفى إنجاب" في الشارجه فحابه اسألكم خواتي حد جربت في هالمستشفى؟؟؟أو سمعت عنها؟؟؟ وبعد لو وحده عندها اسم مركز ثاني لعلاج العقم فأتمنى انها تفيدني فيه…. وشكرا…
عندي رجاااااااااااااااااء : اتمنى منكم خواااتي انكم ما تهملون رسالتي…لأني في امس الحاجه لعونكم بعد رب العالمين…
روحو مستشفى النور فبوظبي زين…….
جزااااااااااااااااااااااااااج الله خير …
بس انصحج مركز دبي للاخصاب
وفي علاج حق الرياييل في مركز انجاب بس تعرفين علاج الريال يطول وما تضمنين شو بتكون النتيجه
بس سوو انابيب إن شاءالله يستوي حمل
يعني تنصحوني في مستشفى إنجاب وإلا لأ؟؟؟؟نحن نريد نسوي فحوصات لريلي عشان نعرف المشكله وين هل هو انسداد أو دوالي على قولتهم أو فيه حيوانات منوية بس حركتها ضعيفه المشكله إنه ما نعرف شو السبب لأن زوجي بس سوا فحص للسائل المنوي وما رضى يرد لهم إلا ألحين طبعا مار على زواجنا ألحين 3 سنوات بس ماعليه على قولتهم:"مايبطي السيل إلا من كبره" والحمدلله على كل حال…
وفي انتظار المزيد من الردود….