ساعدوني بعروض تحرك الصالون

ياهلا فيكم خواتي

مشكلتي اني افتتحت مركز تجميل من سنتين

أول ما افتتحته كان ماشي حاله

وسويت عروض خدمه مجانيه مقابل كل خدمه

وهذا العرض استمر سنه كامله…وصارت لنا مشاكل مع الزبونات يهاوشون ع الخدمات المجانيه والي تنسى تجيب الكرت معاها وكل مره تقول لي خدمه مجانيه قديمه وتصر بتسويها بدون خدمه رئيسيه ووو

وبعد سنه الغينا هالباب

ولاحظنا ان المركز بدون عروض صار يخسر زباين رغم ان احنا عندنا خبيرات في المكياج حاصلات على شهادات من اشهر اكاديميات لبنان وفرنسا والاردن وكذلك خبيرات شعر وعنايه بالجسم واسعارنا رخيصه وحلوه وفي متناول الجميع

بس من فتره لاحظت ان المحل واقف مايتحرك
فكرت اسوي عروض جديده تجذب الناس بدون ماأخسر

بس محتاجه مساعداتكم وآرائكم واقتراحاتكم

بليز حبيباتي لاتطنشون الموضوع

مرحبا حبيبتي
امم حبيت اساعدج بفكرة بسيطه
شو رايج تطرحين كمن خدمة ع شكل بكيج يعني مجموعة خدمات لهن سعر مثلا
ويكون السعر هذا مناسب لج ومايخسرج وايد في مقابل انه يناسب الزبونه وفيه فرق لو انه كانت تبى
تسوي كل خدمة روحها
اتمنى تكون وصلتج الفكرة وبالتوفيج حبوبة

اذا عندج المكياج ماشي
ليش ماتييبين مصوره في الصالون
يعني صالون و استوديو يصور البنات عقب مايتزينين
و بعدين تعطينهم الصور

مشكوره حبيبتي

اقتراح حلو

راح افكر بمجموعه حلوه وبسعر حلو

ياهلا حبيبتي

انا فعلا عندي استوديو تصوير مع المركز

والتصوير ماشي حاله وناجح نجاح كبير والحجوزات عندي ماشاء الله مو ملحقين

بس اغلب شغل التصوير يكون خارجي حق عرايس بالقاعات

وفي عندنا بالاستوديو بعد بس ما احسه محرك شي بالصالون

وين صالونج انزين بنزورج ههه

مشكورين خواتي ماقصرتوا…

وانتظر اقتراحات اكثر وكله بميزان اعمالكم يارب