السلام عليكم ورحمة الله وبركاته
هلا بخواتي
ان شاء الله في العيد بسير بيت ربيعتي والصراحة ابى اهديها هدية غاااوية تستاهله .. طبعا بمناسبة العيد الاضحى .. وانا اخترت اليوم هذا عسب ما اتحط ببالها اهديها مقابل مساعدتها الطيبة لي
وفكرت من ضمن الهدايا اسكارفات ملونة واتمنى بنات الكلية والجامعة يساعدوني وين يشترونه من الشارجة او عيمان لاني بعد 10 ايام ببدا اشتري
وانا سمعت محل في الشارجة وعندهم فرع بعيمان يسون تشكيلات حلوة وتغليف عجيب ويديد بس مب عارفة وين بالضبط فاتمنى اتساعدوني شو اهديها بالضبط وخبروني باسم محل التجهيز والتزيين والصراحة شو ما بسويه ما بوفي كثرها والحمدلله على نعمة الصداقة الطيبة
اتريا ردودكن الحلوة وبيستمر الموضوع لاسبوعين فقط
اترياكن ^_^
ااختي في محل تغليف في فلبينيه تغلف تحصلينه ..وين مشيرف التجاريه اذا تعرفين مكتبة الوسام اللي عقب المنحنى هناك وين صيدليه مكه ومخبز ربيع لبنان باللاين مالهم اعتقد يم صيدلية مكه بس انا شريت من عندها شغلات بس ماجربت التغليف
الغالية عندج محل قصر الشوكولا الي ف حلواان .. تغليييفهم روعة والفلبيني الي فيه افكاااره وايد حلوة ..
غناااتي فاالج طيب في اي شي
ممكن تسوين عن حدائق روز اللي في الشارجة ..
أو داماس للزهور في عيمان أو الشارجه
واذا تذكرت شي بضيفه
أو داماس للزهور في عيمان أو الشارجه
واذا تذكرت شي بضيفه
بالنسبة للاسكارفات……….عندج محل العذوب في سمنان على الشارع العام….عندهم دزاينات كثيره واسعارهم رخيصه على 20 و30 و40 و50
بالنسبة للتغليف……حدائق روز ……وعندج قصر الشوكولاه……أحلى محلين للتغليف