بنتي عقب خمس شهور بتكمل الثلاث سنين ان شا الله وناوية ادخلها الحضانة لانها تحب تتعلم وتلعب..
المهم: عنيييدة وااايد وتحب المرضعة وااايد حتى مرات تصرق مراضع ختها الصغيرة وتنخش مكان وتشرب منها بالدسة..
حاولت وياها ورمستها واشتريتلها اكواب للشرب اشكال وانواع وحبتهن شوية بس بعدها مصرة وتحب المراضع واايد
حتى يوم بتي ترقد لازم المرضعة وياها وتنش وقت الرقاد مرات واتصيح تبا مرضعة..
نفس الشي يوم تبا تبول اوديها الحمام وتسويها في القصرية بس يوم تبا تسوي هاذاك الشي تترجاني ألبسها حفاظة بس اوديها الحمام واقوللها سويها اهني والله اقعد بالربع ساعة ما تسوي شي … تتحرقص وما تسويها واطول ومن ألبسها حفاظة وقت الرقاد سوتها..
عنيدة هالبنت ماعرف كيف اتصرف وياها
احاولي تحطيلها في حلمة المرضعة _ مر_ هذا شي يحطونه يوم يبون الياهل يفطمونه …
ون شاء الله تودرها
المشاركة الأصلية كتبت بواسطة Um TntoN 
هههه ذكرتيني عمتي ام ريلي دوم تقول بنتج العودة طالعة على ابوها كان ياخذ مراضع اخوانه الصغار ويشرب منهم لين عمر خمس سنين
الظاهر هالشي وراثي يمكن
بخصوص الرضاعة كانت تصيح لو ما عطيتها الرضاعة وقت النوم
و تحس اني ما افكر اقطعها عنها قامت قبل لا تدش الغرفة تنام تقللي ابا حليب!
قمت ما أعطيها حليب الصبح
وبعدين قطعت عنها رضعة العصر
و بالليل صبرت لين سافرنا مرة ورحت شو سويت؟
قلت اكيد بالسفر بيتغير عليها الجو و ما بتحس لو قطعت عنها رضعة الليل
قمت اعطيها اسويلها الحليب المجفف بس بالكوب…مع انه نفس الحليب بس ما تقبلت طعمه بالكوب !!هو بالفعل طعمه موب شي مادري كيف كانت تحبه بالمرضعة بس تدرين عاد المرضعة لها اثر سحري في تخدير الطفل عسب جي كانت تحب تشربه
المهم تميت كل يوم اعطيها الحليب بالكوب واحنا بالسفر وهي ما تشرب رشفه و بعدين ما ترضى تكمل ما يعجبها الطعم…
لمن رجعت من السفر خلاص قمت اعطيها حليب طازج بالكوب و شربته عادي .. لان طعم الحليب الطا زج غير موب مثل المجفف…بس من يومها رميت المراضع كلها حتى ما ابغيها تذكرها ولا ابيها تشوفها….
الحين بعد 3 شهور من ها لسالفة مرة يبت لها لعبة عروسة و تشرب من المرضعة .. تمت تصيح و تخيلي شلت امرضعة مال العروسة و قامت تمصها ليما نامت!! تخيلي…فإنتي شللي اي مرضعة من البيت تخصها و ارميها بالزبالة … حتى لو صاحت طنشيها .. و اما عن مراضع اختها خليها تحت المراقبة عسب ما تسرقها و تشرب منها…
بخصوص الحمام
انا كنت اعاني نفس الشي ما ترضى اتسوي الكبيرة بالحمام تسويه بالمبمرز
ليما قمت فسخت البمبرز عنها والبسها ملابس التدريب مال بيبي شوب
قامت تسوي فيه وانا اهزبها و ساعات يتسرب برا الهافات مال بيبي شوب و توسخ لي البيت وانا اراويها نجوم الليل في الظهر
المهم هي كانت تهرب تروح غرفة ثانية وتسويها بالدسه عسب ما اشوفها لانها تعرف اني بعصب عليها و ما بخليها تسويها الا بالحمام
قمت اراقبها وين ما تروح اسكر ابواب كل الغرف و اتم انا و هي بالصالة
و لو تحركت من مكانها بغت تروح غرفة ثانية وراها وراها ما اخليها بروحها
و لو يتها الحاجة بغت تسويها جدامي اسحبها سحب ع الحمام و اخليها تسويها هناك
ليما اخر شي يأست وصارت تقللي انها تبا الحمام و انفكت العقدة….
احسن شي تسوينه
فكي عنها البمبرز و خليها تحت المراقبة اذا تقدرين … لا تخليها تروح بعيد عنج و حتى لو مر يوم او يومين ما سوتها و خفتي تسويه بالمبرز قبل النوم .. راقبيها…حتى قبل النوم راقبيها و هي ع السرير بس تشوفينها تبا تسويها خذيها ع الحمام علطول و ان شاء الله تنحل مشكلتج….