ساعدوني بنتي هلكها الأسهال

مرحبا خواتي الأمهات……….. ارجوكم فيدوني بخبراتكم بنتي من اسبوع فيها اسهال حااااااااااااد ماتم مستشفى ولا عيادة ماوديتها يقولون لي فيها فايروس بس ماعطوني اي دوا بس قالولي عطيها عيش وروب وبطاط مسلوق ماتم شي ماعطيتها اشكثر حطيتلها نشا فالروب وعطيتها الحليب الخاص بالأسهال ولا منه فايدة ارجوكم نوروني الله ينور عليكم ويحفظ عيالكم من الأمراض

عطيها دوا اسمه كابتين وايد زين
والله يشفيها

حبيبتي…شربها شأي أحمر (من غير حليب )تنفع حق الاسهال ..صدقني عن تجربه

حبيبتي شربيها ماي العيش المفور وايد زين
و بعد البطاطا المسلوقة مع ملعقة زيت زيتون
و بعد سفن آب بس خضيه عدل من الغازات
و في أملاح حق الأطفال يذوبونها في الماي إطلبيها من الصيدلاني
و الروب زين بعد

الله يشفيها

شربيها سوائل وايد و شوربات وايد زين عشان تعوض السوائل

صحيح بعد الشاي الاحمر (بس ثقيل) بدون سكر و بدون حليب
طعمة مر وايد بس مفعولة عجيب

الغاليه سيري عند العطار هاتي من عنده ميرميه فوريها بماي مسافي , وبعدين صفيها , وخليها تبرد شويه , وحاولي تعطيها حقها كل ساعه , حوالي 5 مل , او كل ساعتين او ثلاث , الميرميه تقتل الفيروس المسبب للأسهال , هذه المعلومه دايما كان ينصحني فيها الدكتور احمد رشيد .

بنتج ياها شرات بنتي

بس تخيلي … بنتي ياها 3 اسابيع اسهال وصدق هلكت وياها والتهبت فديتها بس الحمدلله احينه احسن عن قبل

وكنت دوووم اعطيها حليب اسهال وشاي مر ونشا وموز

اصبري عليها راح ياخذ وقت والله يشفيها ان شاء الله