ساعدوني تعبت من الويع

السلام عليكم ورحمه الله وبركاته

خواتي ياليت اللي مرت باللي مره تدلني على شي اقدر اتعالج منه

قبل 3 ايام انتفخت لثتي بشكل بسيط واستوى لونها احمر سكتت وما اهتميت واليوم الثاني انتفخت المنطقه اللي ورا الاسنان المحيطة بالاسنان من ورا ورحت العيادة وعطتني مرهم ومضاد حيوي عقب ما استخدمته اليوم الثاني شفت انه في حبوب ورا ففمي وفي حبه على طرف لساني بيضاء ولاحظت لثني استوت سوده ورحت المستشفى وصرفلي بودره احطها في ماي واشربها وحبوب بس احس لا خف ولا شي ويعور واييد ما اقدر اكل ولاشي بس سؤائل وريحه فمي كريهه

هاي صوره للحبوب الي طلعتلي

ساعدوني وادعولي وايد تعبانه منه والي تعرف دكتور يفهم في هالاشياء ومختص للفم في العين تدلني يزاها الله خير

الله يبعد كل شر وان شاء الله تتعالجي ممكن يكون حمو داخلي طلع على اللثة

استعملي مضمضه بيتادين بتحصلينها في الصيدليه

المسمار و ايد زين حق نفخه اللثه و ويع الاسنان ..
والله يعافيج ان شالله ..

سلامتك يا أختي ما تشوفين شر هذا حمو داخلي حطي عليه معلقة طحينه وايد مفيد وبريحك او استخدمي مرهم اسمه ديكازول بتلاقيه بالصيدلية والله يعينك لانه هالشئ صارلي وانا حامل واذا ما حصلتي الدواء انا بدبي وبعطيكي ياه جبته معي من الأردن بس جربي اول لطحينه وإنشاء الله بتدعيلي

حبوب الحرارة سببها المعدة أو برودة فالبطن
خذي دوا من الصيدلية
ما فيج إلا العافية الغلا