ساعدوني شواحسن جبن للاطفال للي عندها خبره باطعمه الاطفال لا تحرميني من المعلومه؟؟؟؟؟؟

تقدرين أدخلين الدياي فهالعمر..

– أنا كنت أسوي لها..
كوسة + بطاط + جزر + عيش أو معكرونة + دجاج
طبعا الخضار مسلوقة والدجاج بعد وعقب نتفيه.. والعيش فورية لين يلين..
مرات كنت أحط ماجي وحسيتها حبته.. بس عقب قريت أنه مب صحي..
وأضيف أشوية ملح لاني حسيت بنتي تميل للمالح أكثر من الحلو..

وبعد..
– 3 ملاعق شوفان + تقريبا نص كوب حليب + تمرتين
حطيهم عالنار وحركيه بمضرب لين تذوب التمرتين وبدى يغلظ الخليط
اذا حسيتي أنه وايد غليظ زيدي حليب..
تره وايد مفيد وصحي..

واذا انتي ترضعين طبيعي .. سوي له بحليب الاطفال بس للطبخ..
تعرفين الحليب الفرش مب زين لهم قبل السنة..

وبعد كنت اسوي..
– مهلبية ولا كستر وحطي اشوية سكر..

– وعطيه زبادي العادي أو بالفواكه يحبونه اليهال..

– عطيه صفار البيض وأخلطيه مع أي أكله لان صعب عليهم يأكلونه بروحه..

وعطيه عصاير..
– عصير برتقال زين لهم .. وعصير مانجا حطي له فخلاط وعطيه..

– أهرسي له موز وعطيه..

أما السمج واللحم .. بصراحه انا فضلت أأخر لين عمر السنه..

حاولت قد ما اقدر اتذكر اللي عطيته بنتي.. واللي قريت عنه..
وانتي دوري فالقسم بلقين وايد أشياء..