ساعدوني عندي تكيس المبايض

اخواتي انا متزوجة من 3 سنين و للحين ما حملت, صرت للدكتورة و سويت سونار و خبرتني ان عندي اضطراب في الهرمونات و تكيس المبايض, نصحوني بعشبة اسمها القسط الهندي, رحت لكل العطارين ما حصلتها؟ اللي يخليكن اللي تعرف وين احصلها بدبي او اي امارة تخبرني؟ و اذا في وحدة اتعالجت من ها الحالة و حملت ؟ و عند اي دكتور تعالجت؟ و سامحوني الله يجعله في ميزان حسناتكم الغاليات لا تبخلون علي

انا نفس حالتج ، والله يرزقنا بالقريب العاجل

هلا اختي بقولج تجربة اختي ويا القسط هي من كانت بنت وفيها تكيس عالمبايض وسوت عمليه شلو لها الاكياس و اتزوجت وردو لها الاكياس وسوت عمليه للمرة الثانيه بس للاسف الاكياس تنشال بالعمليه وبعدين اترد تتكون وللعلم هي كملت سنتين على زواجها وماحملت ولا فكرت اتعالج تاخر الحمل لانها كانت مقتنعه ان الارزاق بيد رب العالمين العام حد نصحها تاخذ القسط الهندي لانها سمعت انه يخوز الاكياس ولان دورتها اتلخبطت و سبحان الله من اول شهر حملت بتوأم بنات ربي يحفظهم الحين كملو سنه ونص وهي حامل فالسابع فنصيحه مني لج عليج بالقسط حتى انا قمت اخذه لان دورتي اتلخبطت وربي يرزقج من فضله

خالتي نفس الحاله وشفت عليه سبحان اللهً. الي حابه اسالها من وين جابته ترسلي عالخاص لان بانسى الموضوع

يمكن يتحصليه عند تاجرات السعودية

اختي ام غنوم ممكن تخبريني من وين حصلتيه ؟ ما خليت عطارة بدبي ما سألت فيها الله يجزيك الخير يا رب

اخواتي مشكورات على الردود الله يخليكم و يشفي جميع مرضى المسلمين