ساعدوني في الكريم كراميل بالفرن تعبت!!!

سلام عليكم ورحمه الله وبركاته خواتي..

اليوم سويت كريم كراميل بالفرن… بس دماااااااااااااااااااااااااااااااار

خساره مقادير ووقت ومجهود…. واااااااااايد احب الكريم كراميل بالفرن… دورت في المواقع اقتنعت بوصفه لوحده مشهوره بدون ذكر اسامي….. بس سبحان الله.. ما ضبطت معاي اببببببببببببببببد…

بليز… اللي عندها وصفه مضبوطه… بامانه وصفه مضبوووووووطه… ما اريد يمكن وتمديح وصفات.. ما يجوز…

ماريد اتفلسف عيل هههههه

للرفع فديتج ^^

للرفع

5علب أبو قوس السائل
2كيس كريم كرامل
صبي عسل الكراميل في الملال وبعدين الحليب والكرمل على الغاز لين يغلي شوي وصبيه في الملال وعلى الثلاجة..على فكرة طعمه لذيذ كأنج مسويتنه في الفرن..وبالعافية

حبوبه كيف سويتيه ؟؟

بخبرج هالطريقة طبعا انا ما طبقته بس اعرفها ومضمونه 100% وايد لذيذه

المقادير
750 مل لتر حليب طازج ويفضل حليب لاكنور العلبه كامله تستخدمينها بتشوفين مكتوب عليها كمن لتر
250 مل لتر whipping cream الكريمة اللي اتييج في علبه كرتون جيه
10 بيضات
150 جرام شكر وتقريبا 4 خواشيق كبار مثل اللي نغرف بهن العيش
1- غرشه فانليا >> تستخدميها كامله عشان البيض وايد
300 جرام شكر بعد عشان تسوين الكراميل

الحينه الطريقة يبالها صبر وهدوء وراحه بال

اول شي حضري الكراميل بالشكر وخليه ع صوب يبرد بس لا تخلينه وايد يستوي اسود عشان ما يطلع مر

تخلصين منه خلطين الكريمة whipping cream و الحليب والشكر في جدر واحد ع النار بحرارة هادية او متوسطه بس ما تكون وايد عاليه وتخلينه بس شوي

ع مله ثانيه خلطي البيض و لفانيليا عدل وعقب حطي خلطه الحليب واللي سويتيها ويا الكريمة و الشكر ويا البيض وتخلطينة عدل وعقب تشخلينة عشان الاشياء اللي تكون عالقه وجيه بس شرط الحليب ما يكون وايد حار يعني يكون دافي عشان البيض ما يتكتل عدنا وتخلطينه عدل وتخليه شوي لين ما يبرد

الموهيم خلاف
هاتي الصينية البايركس اللي تبين تحطينه فيها وحطي الكراميل وخليه فتره يكمش شوي وما يكون وايد حار بعد
وطبعا خلطه الحليب والبيض اللي سويتيها لا تحطينها سيدة خليها لين ما تبرد جيه عقب حطيه فوق الكراميل في هالنقطه عشان ما يختلط الحليب بالكراميل
طبعا عقب ما حطيتيه بالصينية حطيه بالفرن ع درجه حراره 150 جيه لين ما يستوي وبتعرفين من شكله يوم يتماسك ويستوي وخلاف طلعيه من الفرن وحطيه بالثلاجه تقريبا يباله ساعتين
وعقب هني وعافيه
وهاه فيديو ع يوتيوب https://www.youtube.com/watch?v=ZXsGILDcmd0

هلا الغاليه كيف الحال فديت روحج ما تسوي عليج هاي الطبخه جان خبرتيني بوصلج اياها بس انا ادري انج تبغينها من اناملج
المهم الغاليه المقادير
5 بيضات
2 فنجان سكر
2-ملعقه فانيليا
3اكواب ماء (اللى نشرب فيه)
12ملعقه نيدو نفس اللى نغرف فيهم العيش بس حاولي ما يكون مثل الند متروس
الطريقه
ناخذ 5 بيضات +فانيليا وتخلطينهم عدل وبعدين انضيف 3 اكواب الماء وحاولي تخلطينهم ابسرعه بالمشبك الخاص للبيض
راح اتشوفين الخلطه صارت بيضا ومثل الرغوه عليها بعدين انضيف السكر ويخلط وبعد ذلك حليب النيدو وتمي اخلطي لين ما اتحصلين الخلطه حلوه
هاتي 2 فنجان سكر واحرقيه لين ما يصير ذهبي
هاتي القالب الدائري في الوسط فيه فتحه وصبي السكر في هذا القالب يكون متوسط
وبعدين صبي الخلطه فيها وغطيع بالقصدير
هاتي فايركس بس معدن حطي القالب فيه واترسيه ماي(يعني سويله حمام مائي)
وبعدين حطي على نار لمده ساعه تقريبا يعني بتشوفين ان الماي نشف
افتحي القصدير وحطي الطبق في الثلاجه لمده ساعه
وبعدين اجلبيه وقدميه
ما ابا منج الا الدعوه بالخير والله يوفقج

هذي طريقه انا جربتها وتضبط ع طوووول

انتي بس تبين الكيم كراميل سويه من غير الكيكه

انا حبيت كريم كراميل وايد بس الكيكه لا مب وايد حلوه

لاتنسين تحطين الصينيه داخل صينيه فيها ماي كل ماينشف زيدي عقب طلعيها خل تبرد وحطيها عقب بالفريز لين تتماسك