ساعدوني في تجهيزاتي انا والبيبي الله يعطيكم العافيه

السلام عليكم ورحمة الله وبركاته

شحالكم الغاليات

وأخبار الحمل وياكم .. امممم ماعرف كيف ابدأ بس الصراحة ابا اخلي هالموضوع الكل يستفيد منه اذا حاب وبالاخص انا لاني صدق ماعرف شي ومحتار وأبا خبرتكم انتو يالمربيات واللي بيربن قريب وخاصه شهر 6و7و8و9 ويمكن حد نزل هالموضع او كتبه بطريقة ثانيه بس المقصد واحد أتمنى محد يقولي دخلي رابط فلانه بتلقين صح يمكن القي بس بيكون كل شي في مكان وبصوب وانا اباه يكون في موضوع واحد

واللي بتساعدني لها مني دعوة بظهر الغيب

اللي ابا منكم وأن شالله ماتردوني

ابا اعرف كيف يكون تجهيز للام والاحتياجات من الملابس الداخليه والخارجيه بما اني بربي قبل العيد بجم يوم يعني في اخر رمضان فشو اشتري حق العيد اذا مغربي او فستان خفيف للعيد وشو البس بعد النفاس في يوم الطلووع

واذا حد اشترت لبس حق العيد وهي بتربي قبل شراتي ياريت اتحط الصورة

وابا حد يصور لي من الشنط اللي عندهم او اللي ربن أو اللي بيربن كيف الشنطة مالتج مالت يوم جهزتي فيها اغراضج للمستشفى وبعد ماتربين اتسيرين بيت اهلج كيف حجمها وكيف اتكون شرات مالت السفر ولا لا

وشنطة البيبي كيف اتكون ووين احط اغراضه في شنطة بروحها ولا وياي وكيف كبرها الشنطة وشو من الاشكال الصراحة ماعرف شي وخاف اسير اسوق واحوط وتبهدل واخر شي اطلع من هناك مب شاريه شي

وبعد ابا اعرف كم لبس اشتري حق الياهل وجم اشل وياي للمستشفى وشو المنظفات البيبي من الكريمات والصابون وشو احسن بيبي جونسون ولا الهملايا

وانا شو افصل لي وجم قطعه وشو كلهم دانتيل ولا نصه دانتيل ونصهم مخاوير +حق العيد والطلوع لاتنسون

وسرير البيبي كيف اخذ من الصغار ولا من الكبار اللي يسدن الين سنتين او ثلاث

ياليييييت خواتي تتفاعلون وياي لاني مابديت الين الحين ببدأ ان شاء الله بعد 10 ايام لانه ريلي عنده امتحانات ويوم بيخلص ببدأ

بنات لاتنسون لو سمحتن اباكن اتصورون لي الاشياء لو تقدرون من اغراضكم الي اشتريتوهم ومن وين واذا السعر وياه مب مشكله واذا لا عادي

من تصويركم الشخصي أتمنى أذا مافيها احراج