ساعدوني والله اتمناه يكون من نصيبي :(

السلام عليكم

اشحالكم بنات؟

موضوعي الاول تسكر اسفه ماكنت ادري اني حاطتة
بقسم الحياة الزوجيه
اعتذر اذا فتحت موضوعي مرة ثانيه بس
والله مهم عندي وابي القى حل له

انا متابعة للمنتدى من زمان والحين سجلت علشان اقولكم قصتي اللي محيرتني
واللي عندها رد جارح تحتفظ فيه لنفسها مب ناقصة هم

انا بنت خليجيه عمري 26 يعني فاهمة وواعية لحد يقول حب مراهقة وتنسينه مع الايام ،، انا احب ولد خالتي اهو من احدى الدول الخليجية
"غير بلدي" ودايما افكر فيه حتى باحلامي اشوفه ،، واخته ربيعتي بس ماتدري عن مشاعري تجاه اخوها؟
بنات تكفون لحد يفهمني غلط انا اباه بالحلال واتمناه يكون من نصيبي

بنات فيها شي لو اصارحه عن اللي بقلبي؟ او اقول لاخته؟
اللي مرت بتجربتي نوريني دخيلك علميني شو اسوي

الله يفرجها علي وعلى كل مهموم

اختى انتي خبريه وشوفي شوه تقول لج
بعدين اخاف تصرحينهم يقول اشوفه مثل اختى والله يكتب الي فيه الخير

الحين انتي تو تبغني الناس ينصحونج مثلا يسولج خطة مايصير الأمور هاي فيها علاقة بالنصيب هو إذا يبغيج بيقول خليك رزينة والزم ماعليج كرامتج لاتخبرين حد وبعدين ماحد يموت من الحب وهذه نصيحة اعتبريها من أخت كبيرة والله يوفقج

احسسسن حل ترمسين آخته .. من باب السوالف والغشمره و شوفي ردها ..

وين كرامتك اذا كان من نصيبك بياخذك بياخذك

احكي مع اخته بطريقه غير مباشره ولا توضحين انك المقصوده من الرمسه وادع اختي ان كان فيه خير يكون من نصيبج وحاولي مع نفسك لا تتعلقين باي احد للدرجه حتى ريلك بالمستقبل والله يكتبلك الخير

لا أخته ولا هم يحزنون

أوكي حلي صعب وممكن عيب بس دامه مؤ حرام ما يهمني

صارحيه .. جد جد صارحيه

واتحملي شو ما كانت النتيجة ولا تعيشين باوهام

طرشيله مسج وقوليله ان كانت مشاعره مختلفه يحسب انه هالمسج ماصار