ساعدوني يا أمهات الشارجه .

السلام عليكم ورحمة الله و بركاته
شحالكن حبوبات
أنا في ضيجه ما يعلمها الا ربي
وطلبتكن المساعده ربي يسعدكن
أنا بنتي كانت أصلا" في الويس جرين ونقلتها للاستراليه لكن ما ارتاحت وحبت ترجع لربعها
وسجلتها مره ثانيه في الويس جرين وامتحنت امتحان الدخول لكن للأسف ما قبلوها يعني ما نجحت و نفسيتها وااايد تعبانه وقالت أنا خلاص ما بروح المدرسه وأنا تعبت وياها قولوا لي شو أسوي ؟؟
على فكره هي فديتها طالعه خامس ان شا الله وشاطره فديتها بس ما أدري شو لي صار ؟

والله ماأدري شو أقولج…بس انتي حاولي وياها ان شاء الله تتجاوب وياج وخلي حد من الاهل اللي تحبهم يساعدونج….

حاولي تفهمينها أنه الله كاتب لها هالشي وأكيد فيه خير حقها ..
و قوليلها انها تقدر تبنى صداقات وايد من هالتنقل اكيد … وبتلاقي ربع وايد وحاولي تشوفيلها جوانب ايجابيه تحفزها وتحببها بالمدرسه اليديده …

والله يفرج همها ..

سيري المدرسة وقولي حق المديره هالكلام

مريوم وبثينه مشكورات فديتكن و الله قلت لها نفس الكلام بس وااايد كانت فرحانه لانها بترجع مدرستها والحين انصدمت ,,,
جوهره غناتي تصدقين ان البارحه ما رقدت أفكر أسير المدرسه وانت ألحين ريحتيني ربي يريح كل من ردت علي ,,,

ربي يسهل امورج اختي

حاولي مع المدرسة خليهم يساعدونها ويعيدون لها الامتحان وان شاء الله خير

صح كلمي الادارة ان شاء الله يقبلونها يارب