السلام عليكم ورحمة الله وبركاته
خواتي انا ابتليت بواحد مافيه لا ذمة ولا ضمير معذبني وخذ رقمي من فترة كنت مراجعه مستشفى وهو موظف هناك ويعرف اهلي واتصلت اراجع الموعد اثاريه دخل على ملفي وخذ كل الارقام الخاصة فيني واسمي وتم يتصل وازعجني واااايد ماعرفت شو الحل معاه ماريد ادخل اهلي لاني ماريد الموضوع يكبر انا حرمة عودة واقدر اسد نفسي واحل موضوعه
ماقول غير الله يفكج منه ان شالله
السلام عليكم ورحمة الله وبركاته
من وجهه نظري انج تدخلين ريال من اهلكم تثقين فيه انه يكون موضوع بينكم بس بدون محد يعرف من اهلج
مايبه غير هزبه رياييل
الله يهديه ويصلحه ويكفيج شره يارب
الله يشغله في نفسه يارب
الله يعينج الصراحه
انا الصراحه اخاف يوم اسير عياده ولا مكان عام اذا يبون رقمي اقولهم عطوني ورقه اكتبه ….
رايي لازم ادخلين اهلج وتخلين حد كبير يكلمه …. وطنشي مكالماته بيدق ويدق وعقب بييأس لا تعطينه ويه وانتي كاتبه في العنوان بخصوص تهديد هو يهددج ليش يعني؟
انا مول ماحط رقمي حتى لو خياط عبي كله رقم ريلي فاكه عمري
ان شا الله حد يفيدج
انصحج تتعاملين مع الخدمة اللي ذكرتيها
خليه يتأدب يمكن يسوي جيه مع بنات الناس و ملعوزنهن فتكونين سبب في خلاصهم
الله يهدي جميع شباب المسلمين و يستر على بنات المسلمين
الله يكفيج شره