ساعودني بليز

السلام عليكم
بنتي عمرها 3 شهور وبعد كم يوم بتكمل اربع شهو
لكن من اسبوع فيها اسهال مادري من شو مع العلم انها ترضع حليب اصطناعي سيميلاك وصفتنه دكتورهوفيها احمرار من كتر اسهال
الحين
ساعدوني شو الحل

اختي الله يشفيها طعميها بطاطا مسلوقة مع روب وأختي هذا السبب يمكن يكون من الحليب مؤ ملائمها حتى لو الدكتوره وصفته الها

يعني عادي اعطيها بطاط وعمرها 3 شهور

اعطيها روووب وايد زين للاسهال

اذا الإسهال وايد وديها المستشفى اخطر شي الجفاف في هذا العمر لا تهملينها ولا تعطينها روب بطنها ما يتحمل

انتي حاولي تودينها المستشفى في اقرب فرصة احتمال فيها فايروس الإسهال منتشر هالفترة لا تهملينها

اما بالنسبة الاحمرار غيري الحفاظ واستخدمي هجيز وحطي لها كريم من الصيدلية اسمه سودو كريم مع الفازلين وحاولي تهوينها بين فترة والثانية

الله يشفيها

هلا اختي ،، الله يعافي لج بنوتج و لا تعطينها روب وبطاط بعدها صغيره يمكن يكون فيها فايروس أو من الحليب اذا انتي تعطينها الحليب من فتره طويله وما استوى لها شي معناته مب من الحليب اما اذا لج فتره بسيطه يعني قبل لا يصير فيها إسهال بأسبوع أو اقل معناته من الحليب وغيري لها الحليب،،، اما بالنسبه للاحمرار هذا من الإسهال خلي يكتبون لج دوا و عقب ما يروح استخدمي لها كريم للحفاض من موستيلا وايد حلو وطبي ويحافظ على البشره من الاحمرار يعني كلما اتشوفين بدا فيها الاحمرار حطي لها منه اما السودو كريم في نسبة بسييييطه كرتيزون فالافضل تاخذين موستيلا

وديها العيادة. والله يشفيها