ستايلج بالجامعه

السﻻم عليكم ورحمة الله
شحالكن عساكن بالف خير

اليوم جايبتلكم موضوع حلو وشيق
والهدف منه نتسلى ونتبادل بالافكار

الحين كل وحده توصف ستايلها بالجامعه
من عباه و شنطه وشوز وطريقة المكب وهالسوالف

واللي تبي تنزل صور اغراضها يزاها الله خير

نبي تفاعل بنات

و عليكم السلام و رحمة و بركاته
انا تنورة سوداء و قمصان او بولو شيرت و تيشيرتات
و شعري اسويه بن او اربطة بوني تيل او جديلة
و عن المكياج بس احط روج
و شوز الصراحة مشكل شو الي يريحني البس فلات كروكس تومس بس ما صرت البسهم لانها نجسة
و شنطة كنت اكشخ بس عقب صرت باك باق عشان اشيل الاثقال الي معاي صح

>> هالستايل المعهود بالجامعات السعودية و بس

نايس حبووووووبة

آمممممممم عباه ساده وشيله ساده و فلات و كحل وروج وبس ! واذا عن الشنطه كل مرة شي

يوم كنت فالجامعه .. قبل 3 سنين .. ويالها من اجمل ايام حياتي .. صراحه احن للجامعه وايد ..
كنت في جامعه فيها نوع من الاختلاط ..
المهم .. كنت احط كحل انجلينا جولي و بلاش بس .. وكنت احب عمري وايد مع ان احيانا يطلعني برونز زياده بس حلو ..
العبي كانت مفتوحه و تحتها جينز اسكني و توب اسود او اي بدي عندي ع السريع ..
النعل كنت البس كعب لونه اسود فقط .. مع اني الحينا البس كله فلات .. كنت احب اشوف عمري طويله ههههه ..
الشنط كنت اخذ شنط كبيره عشان الكتب و اغلب شي من اكسوسيريز او من ربع اخواني الي يروحون تايلاند كنا نطلب شنط من عندهم .. و الشنطه تعمر عندي عمر لاني ما كان عندي مصروف وايد اقدر اغير دوم ..
وجي ..
وشهري كنت ارفعه دوم و ماكنت اطلعه لان دراستنا كانت مختلطه شوي ..