السلام عليكم ورحمة الله وبركاته
بنات انا ارتكبت جريمة بحق شعري صبغته اسود كرزي
والحينه كلما اصبغه يثبت اللون ف الجذور بس وتحت يجلب اللون ع البرتقالي وسرت الصالون عشان أسوي سحب لون بس قالتلي ما بسويلج بيخترب شعرج مع اني مجربه سحب اللون
صح اخترب بس وصلت للون اللي أباه وقمت اعالجه ب الكريمات
سوووري طولت عليكن وايد (قلت قصة حياتي)
المهم انا شفت علب مثل علب صبغة الشعر ويستخدمونها لسحب اللون ماركة لوريال و color B4 و SOS وتعبت والله وانا ادورهم فالجمعيات وكارفور والصيدليات حتى بعض المواقع ف النت 
اللي سمعت عنهم أو تعرف وين احصلهم تخبرني بلييز مافيني اخسر ف الصالون ع سحب اللون والصبغه..
مدري والله يا اختي وين تنباع بالضبط , بس اعتقد الصالون نفسه يبيع هالمنتجات , يعني ممكن تشترين من عندهم وتسوين بروحك بالبيت او تخلين احد يسويلك
من اي امارة انتي يمكن البنات يساعدونك باسم صالون يبيعهن
من اي امارة انتي يمكن البنات يساعدونك باسم صالون يبيعهن
الله المسعان
اختي سحب اللون يعني حرق الشعر ، الشعر يصير مثل البلاستيك ، نصيحه لا تسوين ، واذا نويتي لازم تسوين في صالون لان لو تاخر على شعرك ممكن اتزيدين المشكله
عموما
بالنسبه لسحب الشعر ينباع في شركة نزيه وكارمن
عند نزيه في دبي
انا انصحج تسوينه فالصالون لانه عادي يحترق شعرج لو تاخرتي عليه
عندج نزيه وماضي
سبحان الله وبحمده سبحان الله العظيم