أنا هنا بدي أنقل موضوع مهم عن الرجال سمعته من مرشد أسري يشتغل في المحاكم ويسوي دورات إرشادية عديدة
قال سر خطير:
الرجل يحب ويهتم بالدرجة الأولى… وأهم شخص عنده هو
(نفسه)
.
ورقم اثنين في حبه واهتمامه، هم
(عياله)
.
ورقم ثلاثة في الحب هو لذيك الحرمة المسكينة الفقيرة اللي هي زوجته. واللي تهلك روحها علشان ترضيه وتحبه أكثر من نفسها
.
إنتبهوا ياحريم لأنفسكم، أنا ماأقول لاتحبون رجاجيلكم، لكن حطوه بالمرتبه الثانية بعد نفسك
.
الوحدة مننا بعد ماتتزوج تلغي شخصيتها …
تحذف صديقاتها من حياتها ..
تستغني عن هواياتها…
حتى زينتها وكشختها ماهي لها لزوجها .. بس علشان يرضى زوجها..
ترى انا كذه كل شي عشان زوجي اي شي عشان زوجي الله يحفظه…
صدقوني نفسكن أولى بالزينة والكشخة من زوجك.. لما تكونين بنفسية زينة.. وواثقة من إنك حلوة .. ضروري زوجك راح يشوف هذا الشي
أنا أقول لكم.. حبوا نفسكم..
واللي يحب نفسه يبحث عن رضا ربه قبل رضا الزوج
.
يعني خلوا نفسكم بالمقام الأول .. وابحثوا عن رضا الله والأجر في كل عمل تعملينه
اكرر واقول مويعني ماتحبون ازواجكم بس خليه بعد رضا الله
لا تنسوني من دعواتكم الحلوة
موفقان ان شا الله
منقووووووووووووول عشانكم
اول مرة اعرف ان الريال يحب نفسه هالكثر ؟؟ خخخخخخخخخ
يعني في جي وفي جي !
صحيح يهتمون ويحبون عيالهم ! بس انا اتوقع يحبون حريمهم اكثر من عيالهم ! بس ما يبينوون !
المهم ها الكلام غير منطقي ابدا ! و ما اوافق الراي معاج!
يعني مثلا لو فكــرنا ( وقت الولاده ) وقال الدكتور لا سمح الله … يا ولدك لازم بيتوفى او حرمتك! اغلب الرياييل ..بيقولون الولد قبل الحرمة!!
يعني خلي مواضيعنا يكون منطقي شوي..!!
الحرمه عاطفيه وايد .. نادرا ماتلاقون حريم يحبون نفسهم اكثر من غيرهم وشخصياتهم قويه شرات الرياييل
كل وحده تفكر بريلها واحلامها الورديه >>>> ياحليلها