شحـالكم ؟؟
حببيت أستفســـــــــــر ..
شو تنصحووون معاريس يسافرون .. النمســا و لا سويســرا .. بيكون ع شهر 2 باذن الله !!
لانه بنسافر شهر العسـل لمده أسبـوع ..
و شو أحلى المناطق الموجوده في النمسـا .. ولا سويسراا ..؟
بليــــــــــــــز اللي عندها خلفيه وخبره .. تخبرني .. لاني اول مره أسافر ومب عارفه ..@@
و شــــــــــــــكرااا .. 
بصراحه ما انصح السفر فـ الشتا
ويكون شهر عسل
الدنيـآ متجمده وثلووج ومعالم الطبيعه
مختفيه !
غيروآ الدوله سيروآ جزر المالديف دام
السفره اسبوع بس
موفقه خيـر يا رب
ثلووووج ولا بتستمتعين
واذا مب في الشتاء النمسا رووووعه وين ما اتسيرين حلوه
ممكن تسيرين
المالديف مثل ما قالت الدومة
اوجزيرة موريشيوس
تايلند
ماليزيا
فنادقهم احلى وارقى عن اوروبا
براي لو تغيرين الوجه احسن
وما تقصرون ..
خلاص بنغير الوجهه ..
المالديف شو الاماكن الحلوة اللي فيها ؟
و جزيرة موريشيوس ؟؟
شــاكره تواجدكم في صفحتي وتواصلكم الكريم ^_^ ..
الف مبرووك و الله يتمملج على خير ..
شهر 2 ما انصحج بـ اوروبا لانه بررد مووت و كآبه و النهار قصير بتملون
انا الحين في المانيا و مستويه ديايه مثلجه 
اذا تبغين نصيحتي بما انه الرحلة اسبوع ارشحلج المالديف او الجزر التايلندية موسمها شهر 2
اما موريشيوس و سيشل و بالي ما ينفعن في فبراير لانه موسم امطار و رطوبة ..
و انا شخصياً اشوف الجزر التايلندية احلى عن المالديف لان فيها انشطة و اماكن سياحية بالاضافة للمنتجعات الراقية و البحر و الرومانسيه
اذا عيبج الاقتراح خبريني و بساعدج اكثر عن الجزر و المنتجعات ^.^