ساعـدوني انا ساكنه قريب بيت عمتي بس شارع و دوار و اوصل لبيتهم , ريلي يومين بس دوام الصبح و باقي الايام دوام المسا من ساعه 1 الظهر لين 10 و نص بليل و دوام الليل من ساعه 9 بليل لين ساعه 6 الصبح ..
المهم انه كل شفت يومين يعني بس يومين دوام الصبح طيب .
و في هل يومين اتم بنتي اللي بعدها ما كملت سنه عند الخدامه و باقي الايام ابوها في البيت لين اوصل انا ساعه 4 العصر ..
المشكله الحين انه مب هاين علي اخلي بنتي مع الخدامه في البيت بروحها و مب عارفه و محتاره .!!!!
اودي بنتي الحضانه و لا اوديها عند عمتي الا هي جدتها ؟؟؟
مع انه جدتهم ما تتدري عن شي و لا يسئلون عن عيالي خير شر 
و برغم انه دوام عمي و را بيتي مرررره اللهم شارع و يوصل بيتنا ( ناطور روضه يعني عادي يقدر يطلع اي وقت) مافي يوم واحد مر البيت و قال بشوف البنت شو تسوي لحالها مع الخدامه 
حتى عمتي ما قالت في يوم من الايام هاتي بنتج عندي يعني طاااف 
, يعني بختصار مافيهم رحمه للاسف ( مع انه العلاقه معاهم اوكي بس هم طبيعتهم جي مب نشادين حتى يوم اربي او مرض اترقد في دختر ما يسئلون عني و اذا بيون شرات الغرب ربع ساعه و يرحون و حتى ما يطرشون صحن عيش لعيالي )..
بتقولين امي وين ؟ ياريت بس امي في اماره ثانيه يعني مستحيل ….
فقولي لي شو اسوي يا جماعة الخير و الله اني خايفه على بنتي و قلبي ياكلني عليهم لين اوصل البيت و اطمن على عيالي كلهم بس الله حق الخدامه زينه معاها بس بعد الخوف موجود و هذي انسانه غريبه عنا و لقمة العيش تراها صعبه و مجبوره اشتغل 
..
سموحي لي اذا خربطت بل كلام و طولت في سالفه من ضيج اللي فيه مدري شو كتبت فسموحه منكم و ردو علي دخيلكم ..
18 مشاهده و لا مشاركه
وهناك بتختلط يا اليهال وبتلعب وياها
مقدر اخلي الخدامه معاها لاني ولدي يوصل من الروضه من وقت مع انه يده معاه بس مب نشاد يوصله و يرده
الماديه الحمدالله مقدور عليها , بس اوديها حضانه دام يدتها موجوده و الحمدالله بعافيه و مب هي اللزم في عيالي اصلا
و على فكره الحضانه مرررره عند بيت عمتي !!!و بعدين هو بس يومين دوام الصبح و مرات يوم واحد على حسب اذا صادف انه يوم اجازه الويكند فانا اكون في البيت !!!
حتى الحضانه فيها مشاكل احيانا !!
اااخخخ ياريت لو عندي حضانه في دوام متى بس متى
